ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ନୂଆବଜାରସ୍ଥିତ ଭଞ୍ଜଶ୍ରୀ ଭବନରେ ଜଳେଶ୍ୱର ହାଇସ୍କୁଲର ୧୯୮୩ ମ୍ୟାଟ୍ରିକ୍ ବ୍ୟାଚ୍ର ଏକ ବନ୍ଧୁ ମିଳନ ଉତ୍ସବ ଅନୁଷ୍ଠିତ ହୋଇ ଯାଇଛି । ରବିବାର ପୂର୍ବାହ୍ନରେ ପୂର୍ବତନ ପ୍ରଧାନ ଶିକ୍ଷକ ନବକୁମାର ଦାସ, ସୂଦର୍ଶନ ପ୍ରଧାନ, ବିନୋଦ ବିହାରୀ ସେନାପତି, ଗିରିଶ ଚନ୍ଦ୍ର ପାଣିଗ୍ରାହୀ ଓ ନିତ୍ୟାନନ୍ଦ ଦାସ ଓ ସୁରେନ୍ଦ୍ର ଚନ୍ଦ ପ୍ରମୁଖଙ୍କୁ ପୂର୍ବତନ ଛାତ୍ରଛାତ୍ରମାନେ ଫୁଲଚନ୍ଦନ ଦେଇ ପୂର୍ଜାର୍ଚ୍ଚନା କରିଥିଲେ । ଏଥିରେ ପ୍ରଦୀପ କୁମାର ଜେନା ସଭାପତିତ୍ୱ କରିଥିବା ବେଳେ ସଂନ୍ଦିପ କୁମାର ପ୍ରଧାନ କବିତା ମାଧ୍ୟମରେ ୧୯୮୩ ମସିହାର ସ୍ମୃତିଚାରଣ ଓ ସାମ୍ପ୍ରତିକ ସାମାଜିକ ଅବସ୍ଥା ସଂପର୍କରେ କହିଥିଲେ । ଅନ୍ୟମାନଙ୍କ ମଧ୍ୟରେ ହରିଶଂକର ରାଜ, ସମରେନ୍ଦ୍ର ପରିଡା, ମଧୁସୂଦନ କର, ତରଣୀ ଭୂୟାଁ, କାହ୍ନୁଚରଣ ମଣ୍ଡଳ, ସମିର ନନ୍ଦୀ, ହରିନାରାୟଣ ସେନାପତି, ଶିଶିର କୁମାର ସାହୁ, କାଳିପଦ ମହାନ୍ତି, ଶାନ୍ତନୁ ଧଳ, କମଳଲୋଚନ ସାମଲ ପ୍ରମୁଖ ପୁରାତନ ଛାତ୍ରମାନେ ତତ୍କାଳୀନ ବିଦ୍ୟାଳୟର ପରିବେଶ ଓ ଗୁରୁଜୀ ମାନଙ୍କର ଶିକ୍ଷାଦାନ ସଂପର୍କରେ ସ୍ମୃତି ରୋମନ୍ଥନ କରିଥିଲେ । ଏଥିରେ ବହୁ ଛାତ୍ରଛାତ୍ରୀମାନେ ଯୋଗ ଦେଇଥିଲେ ।
ରିପୋର୍ଟ : ଭୂପତି କୁମାର ପରିଡା