ଛତ୍ରପୁର (ସମୃଦ୍ଧ ଓଡିଶା) ଛତ୍ରପୁର ନିକଟ ଜାତୀୟ ରାଜପଥରେ ଥିବା କଲେଜ ଛକ ନିକଟ ଜାତୀୟ ରାଜପଥରେ ଏକ ଯାତ୍ରୀବାହି ବସ୍ ଦୁର୍ଘଟଣା ଗସ୍ତ ହୋଇଥିବା ସୂଚନା ମିଳିଛି । ସୂଚନା ଅନୁଯାୟୀ ପାତ୍ରପୁରରୁ ଭୁବନେଶ୍ୱର ଅଭିମୁଖେ ଯାଉଥିବା ଏକ ହରିହର ନାମକ ଯାତ୍ରୀବାହି ବସ୍ (ଓଡି୦୭ଜେଡ୍୦୫୯୯) ଛତ୍ରପୁର ଜାତୀୟ ରାଜପଥ ନିକଟ କଲେଜ ଛକ ଠାରେ ଗାଡିର ଚକ ଫାଟିଯିବାରୁ କଲଭର୍ଟକୁ ପିଟି ହୋଇଯାଇଥିଲା । ଫଳରେ ବସରେ ବସିଥିବା ୩୦ରୁ ଉର୍ଦ୍ଧ୍ୱ ଯାତ୍ରୀ ଅଳ୍ପକେ ବର୍ତ୍ତି ଯାଇଥିବା ଜଣାପଡିଛି । ଘଟଣାର ଖବର ପାଇ ଛତ୍ରପୁର ଥାନାଧିକାରୀ ସତ୍ୟ ରଞ୍ଜନ ପ୍ରଧାନ ଓ କିଛି ପୋଲିସ୍ କର୍ମଚାରୀ ଘଟଣାସ୍ଥଳରେ ପହଞ୍ଚି ଘଟଣାର ସ୍ଥିତି ଅନୁଧ୍ୟାନ କରିବା ସହ କ୍ରେନ ସାହାର୍ଯ୍ୟରେ ବସକୁ ଉଦ୍ଧାର କରିଥିବା ଜଣାଯାଇଛି ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା