ଛତ୍ରପୁର (ସମୃଦ୍ଧ ଓଡିଶା) ଆଜି କେନ୍ଦ୍ର ମନ୍ତ୍ରଳାୟ ବିଦ୍ୟାଳୟ, ଶିକ୍ଷା ଏବଂ ସାକ୍ଷରତା ବିଭାଗର ନିର୍ଦ୍ଦେଶକ ରବି କାଟିୟାଲ୍ ଗଞ୍ଜାମ ଜିଲ୍ଲା ସମଗ୍ର ଶିକ୍ଷା ଅଭିଯାନ କାର୍ଯ୍ୟାଳୟ ପରିସରରେ ଥିବା ଜିଲ୍ଲା ଦିବ୍ୟାଙ୍ଗ ସାଧନ କେନ୍ଦ୍ରକୁ ପରିଦର୍ଶନ କରିଛନ୍ତି । ସାଧନ କେନ୍ଦ୍ରରେ ଦିବ୍ୟାଙ୍ଗ ଛାତ୍ରଛାତ୍ରୀ ଓ ଅଭିଭାବକମାନଙ୍କ ନିମନ୍ତେ ଉଦ୍ଦିଷ୍ଟ ତାଲିମ, ଥେରାପି ଓ ପରାମର୍ଶ କିପରି ପ୍ରଦାନ କରାଯାଉଛି ସେ ସଂପର୍କରେ ଟିକିନିଖି ପଚାରି ବୁଝିଥିଲେ । ଏହାସହ ଦିବ୍ୟାଙ୍ଗ ଛାତ୍ରଛାତ୍ରୀ ଓ ଅଭିଭାବକଙ୍କୁ ତିଲାମ ଓ ଥେରାପି ପ୍ରଦାନ କରାଯାଉଥିବା ସାମଗ୍ରୀ ଗୁଡିକୁ କେନ୍ଦ୍ର ମନ୍ତ୍ରାଳୟ ନିର୍ଦ୍ଦେଶକ ବୁଲି ଦେଖିଥିଲେ । କେନ୍ଦ୍ର ମନ୍ତ୍ରଳାୟ ବିଦ୍ୟାଳୟ, ଶିକ୍ଷା ଏବଂ ସାକ୍ଷରତା ବିଭାଗର ସେକ୍ସନ୍ ଅଫିସର ରାମ ନିବାସ, ଓଡିଶା ରାଜ୍ୟ ଓପେପାର ଯୁଗ୍ମ ନିର୍ଦ୍ଦେଶକ ରାଜଶ୍ରୀ ପଟ୍ଟନାୟକ, ରାଜ୍ୟ ବାଳିକା ଶିକ୍ଷା ସଂଯୋଜକ ଲହରୀ ମହାନ୍ତି ଓ ରାଜ୍ୟ ଅନ୍ତର୍ନିବେଶୀ ଶିକ୍ଷା ସଂଯୋଜକ ଅଶୋକ କୁମାର ମହାପାତ୍ର ପ୍ରମୁଖ ଜିଲ୍ଲା ଦିବ୍ୟାଙ୍ଗ ସାଧନ କେନ୍ଦ୍ରକୁ ପରିଦର୍ଶନ କରିଥିଲେ । ଅନ୍ୟମାନଙ୍କ ମଧ୍ୟରେ ଗଞ୍ଜାମ ଜିଲ୍ଲା ଅନ୍ତର୍ନିବେଶୀ ଶିକ୍ଷା ସଂଯୋଜକ ତପନ କୁମାର ସାହୁ, ସମଗ୍ର ଶିକ୍ଷା ଅଭିଯାନର ଅର୍ଥ ପରାମର୍ଶଦାତା ମଧୁସୂଦନ ପରିଡା, ଏସ୍୍ସି/ଏସ୍ଟି ଜିଲ୍ଲା ସଂଯୋଜକ ଡସରୋଜ ମୋହନ ପାଳ, ଶୈକ୍ଷିକ ସଂଯୋଜକ ଡ.ସନ୍ତୋଷ କୁମାର ପଣ୍ଡା, ଏମ୍ଆଇସି ପ୍ରୋଗ୍ରାମର ପ୍ରଦୀପ କୁମାର ଖଟେଇ, ଏକାଉଣ୍ଟାଣ୍ଟ ଅଜୟ କୁମାର ପଣ୍ଡା, ବ୍ଲକ ଶିକ୍ଷା ସଂଯୋଜକ ବିଜୟ କୁମାର ବେହେରା, ଏମ୍.ଡମ୍ବୁରୁ ଦୋରା, ଅଶ୍ୱିନୀ ପାଇକରାୟ ଓ ଅଜୟ କୁମାର ସାହୁ ପ୍ରମୁଖ ଉପସ୍ଥିତ ରହିଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
