ପାରଳାଖେମୁଣ୍ଡି (ସମୃଦ୍ଧ ଓଡିଶା) ପାରଳାଖେମୁଣ୍ଡି ପୈାରପରିଷଦର ୩ନଂ ୱାର୍ଡ଼ର ରାଜଗୁରୁ ସାହି ସ୍ଥିତ ଗୋପିନାଥ ପାଠାଗାର ଏବଂ ଦୁର୍ଗାପ୍ରସାଦ ବ୍ୟୟାମ ଶାଳା ପରିସରରେ ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁଙ୍କୁ ସମ୍ବର୍ଦ୍ଧନା କରାଯାଇଛି । ଏହି ବ୍ରହ୍ମପୁର ସାଂସଦ ଚନ୍ଦ୍ରଶେଖର ସାହୁ ଯୋଗଦେଇ ଜିଲ୍ଲା ବିଜେଡ଼ି ତୃଣମୂଳ ସ୍ତରରେ ଯେପରି ଏକଜୁଟ ହୋଇ କାର୍ଯ୍ୟ କରିବେ ସେଥିପାଇଁ ସମସ୍ତ କର୍ମୀଙ୍କୁ ଆହ୍ୱାନ ଦେଇଥିଲେ । ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ଏକ ମିଶ୍ରଣ ପର୍ବ ଜିଲ୍ଲା ବିଜେଡ଼ି ପକ୍ଷରୁ ଆୟୋଜିତ ହୋଇଥିଲା । ଏହି ମିଶ୍ରଣ ପର୍ବରେ ବିଜୟ ପ୍ରଧାନ, ରାମ ପ୍ରସାଦ ମହାପାତ୍ର, ରାଜପୁର ପାଢୀ, ଦଣ୍ଡପାଣି ମହାରଣା, ଅମର ପାଣିଗ୍ରାହୀ ପ୍ରମୁଖ ଜିଲ୍ଲା ବିଜେଡ଼ିରେ ଯୋଗ ଦେଇଥିବା ବେଳେ ସେମାନଙ୍କ ସାମର୍ଥକ ମାନେ ମଧ୍ୟ ଉପସ୍ଥିତ ରହିଥିଲେ । ଏହି ମିଶ୍ରଣ ପର୍ବରେ ବିଜେଡି ଅଧିକ ଶକ୍ତିଶାଳୀ ହେବ ବୋଲି ନଗର ସଭାପତି ସୂର୍ଯ୍ୟନାରାୟଣ ରାଜଗୁରୁ କହିଛନ୍ତି । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ସଭାପତି ପ୍ରଦୀପ କୁମାର ନାୟକ, ରାଜକୁମାରୀ ସୁଶ୍ରୀ କଲ୍ୟାଣୀଦେବୀ, ଜିଲ୍ଲା କାର୍ଯ୍ୟକାରୀ ସଭାପତି ମାରୁତି ପାଳ, ପୂର୍ବତନ ସଭାପତି ବସନ୍ତ ଦାସ, ପୂର୍ବତନ ଉପାଧ୍ୟକ୍ଷ ଅଭୂମନ୍ୟୁ ପଣ୍ଡା ପ୍ରମୁଖଙ୍କ ସହ ବହୁ ସଂଖ୍ୟାରେ କର୍ମୀ ଉପସ୍ଥିତ ରହିଥିଲେ ।
ରିପୋର୍ଟ : କୃଷ୍ଣ କୁମାର ବେହେରା
