ଜଳେଶ୍ୱର (ସମୃଦ୍ଧ ଓଡିଶା) ବାଲେଶ୍ୱର ଠାରେ ଗତ ନିକଟରେ ଶେଷ ହୋଇଥିବା ଜିଲାସ୍ତରୀୟ ଯୁବ ଉତ୍ସବରେ ଜଳେଶ୍ୱର ପୌପରିଷଦ ଅନ୍ତର୍ଗତ ସେଣ୍ଟ ଜେମ୍ସ କନ୍ଭେଣ୍ଟ ସ୍କୁୂଲର ଛାତ୍ରୀ ମହିମା ମହାପାତ୍ର, ଗିଟାର ପ୍ରତିଯୋଗିତାରେ ସମଗ୍ର ଜିଲାରେ ୨ୟ ସ୍ଥାନ ଅଧିକାର କରିଥିବା ବେଳେ ମିର ଆବାସ ଅଲ୍ଲି ହିନ୍ଦି ବକୃତା ପ୍ରତିଯୋଗିତାରେ ୩ୟ ସ୍ଥାନ ଅଧିକାର କରିଥିଲେ । ସେହିପରି ଜଳେଶ୍ବର ବ୍ଲକ ଅନ୍ତର୍ଗତ ମାକିଡିଆ ପଂଚାୟତର କୁଁଅରପୁର ଗ୍ରାମର ଛାତ୍ରୀ ବୈଷ୍ଣବି ଘୋଷ ହିନ୍ଦୁସ୍ଥାନ ଭୋକଲ ପ୍ରତିଯୋଗିତାରେ ଜିଲାରେ କୃତିୟସ୍ଥାନ ଅଧିକାର କରିଥିଲେ । ସମସ୍ତ କୃତି ପ୍ରତିଯୋଗୀମାନଙ୍କୁ ଜଳେଶ୍ୱର ବ୍ଲକ କଳା, ସଂସ୍କୃତି ସଂଘର ସଭାପତି ତଥା ବିଡିଓ ନିତ୍ୟାନନ୍ଦ ସାହୁ ବ୍ଲକ ସମ୍ମିଳନୀ କକ୍ଷରେ ଆୟୋଜିତ ଉତ୍ସବରେ ପୁରସ୍କାର ପ୍ରଦାନ କରିବା ସଂଗେ ସଂଗେ ସମ୍ବଦ୍ଧିତ କରିଥିଲେ । ବିଜୁଯୁବାହିନୀ ବ୍ଲକ ସଂଯୋଜକ କାଳିଚରଣ ଦାସ ଏହି ଅବସରରେ ପ୍ରାକ୍ ସୂଚନା ଦେଇଥିବା ବେଳେ ଜିଲା ଖାଉଟି ଅଦାଲତର ପୂର୍ବତନ ସଭାପତି ସୁକୁମାର ରଣା ଅତିଥିରୂପେ ଯୋଗ ଦେଇଥିଲେ । ସେହିପରି କ୍ଲକସିକାଲ ଡେନ୍ସରେ ଆଲିସା ଚାନ୍ଦ, ହିନ୍ଦୁସ୍ଥାନ ଭୋକାଲରେ ତାପନ କୁମାର ବିଦ୍ ଓ ଇଂରାଜୀ ବକ୍ତୃତାରେ ଭାଗ ନେଇଥିବା ପ୍ରଜ୍ଞାପ୍ରିୟଦର୍ଶିନୀ ଜେନାଙ୍କୁ ବିଡିଓ ଶ୍ରୀ ସାହୁ ପ୍ରମାଣପତ୍ର ପ୍ରଦାନ କରିଥିଲେ । ଶେଷରେ ବିଜୁ ଯୁବବାହିନୀର ପୌରପରିଷଦ ସଂଯୋଜକ ଜଗନ୍ନାଥ ଗୋଚ୍ଛାୟତ ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ : ଭୂପତି କୁମାର ପରିଡା