ବୁଗୁଡା (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲା ବୁଗୁଡା ଥାନା ଅନ୍ତର୍ଗତ ଶାଳବଣି ନିକଟରେ ଏକ ଟ୍ରକ ସହ ଆମ୍ବୁଲାନ୍ସର ମୁହାଁମୁହିଁ ଧକ୍କା ହେବା ଦ୍ୱାରା ଆମ୍ବୁଲାନ୍ସ ଡ୍ରାଇଭର ଆହତ ହୋଇଥିବା ଜଣାପଡିଛି । ଘଟଣାରୁ ଜଣାପଡିଛି ଯେ ବୁଗୁଡା ଦିଗରୁ ନୟାଗଡ଼ ଦିଗରେ ଓଡ଼ି୨୫-୦୮୯୫ ନମ୍ବର ଟ୍ରକ ଯାଉଥିବା ବେଳେ ନୟାଗଡ଼ ଦିଗରୁ ବୁଗୁଡା ଦିଗକୁ ଓଆର ୦୨ ବିଏଲ ୩୭୦୮ ନମ୍ବର ଆମ୍ବୁଲାନ୍ସ ଆସୁଥିବା ବେଳେ ଶାଳବଣି ନିକଟରେ ମୁହାଁମୁହିଁ ହୋଇଥିଲେ । ଆମ୍ବୁଲାନ୍ସ ଡ୍ରାଇଭର ରାଜେନ୍ଦ୍ର କୁମାର ସାହୁ, ଗ୍ରାମ-ସୁଆଙ୍ଗ, ଥାନା-ଖଣ୍ଡଗିରି, ଖୋର୍ଦ୍ଧା ଜିଲ୍ଲାର ହୋଇଥିବା ବେଳେ ଆହତ ହୋଇଥିବା ବେଳେ ତାକରଡ଼ା ସରପଞ୍ଚ ଏକ ଅଟୋ ଦ୍ୱାରା ଆହତ ରାଜେନ୍ଦ୍ରକୁ ବୁଗୁଡା ମେଡିକାଲକୁ ପଠାଇଥିଲେ । ବୁଗୁଡ଼ା ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ଆମ୍ବୁଲାନ୍ସ ଡ୍ରାଇଭର ଚିକିତ୍ସା ହେଉଥିବା ବେଳେ ବିପଦ ମୁକ୍ତ ବୋଲି ଚିକିତ୍ସା କରୁଥିବା ଡାକ୍ତର ସାର୍ଥକ ସଂକେତ ବିଶ୍ୱାଳ ପ୍ରକାଶ କରିଛନ୍ତି । ପ୍ରକାଶ ଥାଉକି ଆମ୍ବୁଲାନ୍ସରେ କୌଣସି ରୋଗୀ ନଥିବା ବେଳେ କେବଳ ଡ୍ରାଇଭର ଚଳାଇ ଆସୁଥିଲେ ।
ରିପୋର୍ଟ : ଡ଼ଃ କୁମୁଦ ଚନ୍ଦ୍ର ବେହେରା