ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳରେ ଆମ ଆଦମୀ ପାର୍ଟିର କର୍ମୀ ସମ୍ମିଳନୀ ତଥା ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଏହାକୁ ଆମ ଆଦମୀ ପାର୍ଟି ଢେଙ୍କାନାଳ ନିର୍ବାଚନ ମଣ୍ଡଳୀର କାର୍ଯ୍ୟାଳୟ ସ୍ଥାନୀୟ ଗାନ୍ଧୀ ମନ୍ଦିର ରାସ୍ତା ତାରିଣୀ ମନ୍ଦିର ନିକଟରେ କରାଯାଇଛି । ଏଥିରେ ରାଜ୍ୟ ସାଧାରଣ ସମ୍ପାଦକ ସୌମ୍ୟ ରଞ୍ଜନ ସ୍ୱାଇଁ, ଜିଲ୍ଲା ଆବାହକ ପଙ୍କଜ ନାୟକ, ବରିଷ୍ଠ ସଦସ୍ୟ କଲ୍ୟାଣ ଆନନ୍ଦ, ଜୋନାଲ କୋର୍ଡିନେଟର ଅଭଜିତ ଗୁହା, ବିଧାନସଭା ପାର୍ଥି ଆଶିଷ ମିଶ୍ର, ସ୍ୱୟଂ ସ୍ୱସ୍ତିକ ପ୍ରମୁଖ ଶତାଧିକ ବୁଥ୍ ସ୍ତରୀୟ କର୍ମୀ ଯୋଗଦେଇ ଦିଲ୍ଲୀର ବିଶ୍ୱ ସ୍ତରୀୟ ଲୋକାଭିମୁଖୀ କାମଗୁଡିକୁ ଲୋକ ଲୋଚନକୁ ଆଣିବା ଓ ଝାଡୁ ଚିହ୍ନରେ ଭୋଟ ଦେବା ପାଇଁ ଆହ୍ୱାନ କରିବା ନିମନ୍ତେ ସମସ୍ତ କର୍ମୀମାନଙ୍କୁ କହିଛନ୍ତି । ଏଥିରେ ବହୁ କର୍ମୀ ଯୋଗ ଦେଇଛନ୍ତି ।
ରିପୋର୍ଟ : ଶୁଭମ କୁମାର ପାଣି