ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳର ଘଟିପିରି ଉଚ୍ଚ ବିଦ୍ୟାଳୟର ୧୯୯୪ ବର୍ଗ ଛାତ୍ର ସଂସଦର ବନ୍ଧୁମିଳନ ଓ ଗୁରୁ ସମ୍ବର୍ଦ୍ଧନା ଉତ୍ସବ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହା ବିଦ୍ୟାଳୟର ପ୍ରଧାନ ଶିକ୍ଷକ ଯଦୁନାଥ ପଣ୍ଡାଙ୍କ ସଭାପତିତ୍ୱରେ ସଭାକାର୍ଯ୍ୟ ପରିଚାଳନା କରାଯାଇଥିଲା । ବନ୍ଧୁତାର ରୌପ୍ୟ ଜୟନ୍ତୀ ଉତ୍ସବରେ ପ୍ରାକ୍ତନ ସହକାରୀ ଶିକ୍ଷକ ଶ୍ରୀନିବାସ ପଣ୍ଡା, ସାଲୋନୀ ମହାରଣା, କିଶୋର ଚନ୍ଦ୍ର ସାମଲ, ପବିତ୍ର କୁମାର ରାଉତ, ହୃଷିକେଶ ପରିଡା ଓ ସୁଶୀଲ କୁମାର ମହାପାତ୍ର, ଧ୍ରୁବ ଚରଣ ପଟ୍ଟନାୟକ ଆଦି ଆଦର୍ଶ ଶିକ୍ଷକମାନଙ୍କୁ ପୁରାତନ ୧୯୯୪ ମସିହାର ଛାତ୍ରଛାତ୍ରୀମାନଙ୍କ ଦ୍ୱାରା ଗୁରୁବନ୍ଦନା ଓ ସମ୍ବର୍ଦ୍ଧନା କରାଯାଇଥିଲା । ଏହି ଉତ୍ସବକୁ ବିଦ୍ୟାଳୟର ପୁରାତନ ଛାତ୍ର ପୀତବାସ, ବାବୁଲି, ନବଦ୍ୱୀପ, କୀର୍ତ୍ତିବୀର୍ଯ୍ୟ, ସୁବାଷ, ପ୍ରମୋଦ, ଶ୍ୟାମ, ମନୋଜ ଓ ସରଳା ଆଦି ଛାତ୍ରଛାତ୍ରୀମାନେ ସୁପରିଚାଳନା କରିଥିଲେ ।
ରିପୋର୍ଟ : ଶୁଭମ କୁମାର ପାଣି