ଢେଙ୍କାନାଳ(ଶୁଭମ ପାଣି):ଜିଲ୍ଲା କ୍ରୀଡସଂଘ ଦ୍ୱାରା ଆୟୋଜିତ ଜିଲ୍ଲାସ୍ତରୀୟ ଫୂଟବଲ ଟୁର୍ନାମେଣ୍ଟର ଆଜି ପଞ୍ଚମ ଦିବସରେ କିଶୋର କ୍ଳବ ଦୁଦୁରାକୋଟ ସିନିୟର ଫୁଟବଲ ଟିମକୁ ୭ – 0 ଗୋଲରେ ପାରସ୍ଥକରି ଟୁର୍ନାମେଣ୍ଟରୁ ୩ପଏଣ୍ଟ ଲାଭ କରିଛି । ବିଜୟୀଦଳତରଫରୁ ଦୀପକ ସାମଲ ତିନୋଟି, ରିପୁନୁ ସାମଲ ଦୁଇଟି ଏବଂ ବାବୁଲା ସେଠି ଦୁଇଟି ଲେଖାଏଁ ଗୋଲ ଦେଇଥିଲେ । ଖେଳର ଆରମ୍ଭରେ ଜିଲ୍ଳାକ୍ରୀଡ଼ା ସଂଘ ସଭ୍ୟ ତଥା ପ୍ରତାପ କ୍ଲବର ସମ୍ପାଦକ ଅଜୟ କୁମାର ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗ ଦେଇ ଖେଳାଳି ମାନଙ୍କୁ ଊତ୍ସହିତ କରିଥିଲେ । ଆଜିର ଖେଳାକୁ ପରିଚାଳନା କରିଥିଲେ ରିଫରି ସାନଦାସ, ଅରୁଣ କୁମାର ନାୟକ, ମହାବୀର ନାଥ ଓ ସନ୍ତୋଷ କୁମାର କାନୁନଗୋ । ମ୍ୟାଚ କମିଶନର ଥିଲେ ମାୟାଧର ସାହୁ । ଜିଲ୍ଲା କ୍ରୀଡା ସଂଘ ଉପସଭାପତି ସଞ୍ଜୟ କୁମାର ଭଞ୍ଜ, ଯୁଗ୍ମ ସମ୍ପାଦକ ଗୌରାଙ୍ଗ ଚରଣ ସେଠି, ମନୋଜ କୁମାର ପଟ୍ଟନାୟକ, ଶ୍ୟାମ ସୁନ୍ଦର ମହାପାତ୍ର, ଅଜୟ କୁମାର ସ୍ୱାଇଁ, ସଞ୍ଜୟ କୁମାର ନାୟକ ଖେଳ ପରିଚାଳନା ଓ ସଂଯୋଜନା କରୁଥିଲେ ଆସନ୍ତା କାଲିର ମ୍ୟାଚ ମା ମଙ୍ଗଳ କ୍ଲବ, ବନମାଳୀ ପ୍ରସାଦ ସହିତ କାଶିଆ ଡ଼ିହି ଟିମ୍ ସହ ମ୍ୟାଚ ହେବ ବୋଲି ଜିଲ୍ଲା କ୍ରୀଡା ସଂଘ ସମ୍ପାଦକ ନଳିନୀ କୁମାର ଦାଶ ଜଣାଇଛନ୍ତି ।
