ଢେଙ୍କାନାଳ (ସମୃଦ୍ଧ ଓଡିଶା) ବର୍ତ୍ତମାନ ବିଶ୍ୱ ମହାମାରୀ କରୋନାରେ ପୀଡିତ l ଏହି ସମୟରେ ବିଭିନ୍ନ ପ୍ରକାରର କଟକଣା ଲାଗିଛି l ରକ୍ତ ଭଣ୍ଡାରରେ ରକ୍ତର ଅଭାବ ଦୂର କରିବା ପାଇଁ ଏହି ଘଡି ସନ୍ଧି ମୁହୂର୍ତ୍ତରେ ଢେଙ୍କାନାଳ ନଗର ଏବିଭିପି ପକ୍ଷରୁ ସରକାରୀ ନିୟମକୁ ପାଳନ କରି ପ୍ରଥମ ପର୍ଯ୍ୟାୟରେ ୩୩ ୟୁନିଟ୍ ରକ୍ତ ସଂଗ୍ରହ କରି ସ୍ଵେଚ୍ଛାକୃତ ଭାବେ ରକ୍ତ ଭଣ୍ଡାରକୁ ଦାନ କରିଛନ୍ତି l ଏହି କାର୍ଯ୍ୟକ୍ରମରେ ଢେଙ୍କାନାଳ ଜିଲ୍ଲା ଏବିଭିପି ପ୍ରମୁଖ, ଅଧ୍ୟାପକ ଚିତ୍ତରଞ୍ଜନ ରାଉତ ଓ ଢେଙ୍କାନାଳ ଜିଲ୍ଲା ସଂଯୋଜକ ସୂର୍ଯ୍ୟ ରୋଶନ ଉପସ୍ଥିତ ଥିଲେ l ନଗର ସମ୍ପାଦକ ଅରିଜିତ୍ ପଟ୍ଟନାୟକ ରକ୍ତଦାତା ମାନଙ୍କୁ ଧନ୍ୟବାଦ ଜଣାଇବା ସହ ଆଗାମୀ ଦିନରେ ଏହିଭଳି କିଛି ରକ୍ତଦାତା ମାନଙ୍କୁ ଏବିଭିପି ଢେଙ୍କାନାଳ ନଗର ଶାଖା ଆଣି ରକ୍ତ ସଂଗ୍ରହ କରାଯାଇ ରକ୍ତ ଭଣ୍ଡାରକୁ ରକ୍ତ ପ୍ରଦାନ କରାଯିବ ବୋଲି କହିଛନ୍ତି l ଅନ୍ୟମାନଙ୍କ ଭିତରେ ଅରୂପ ପଟ୍ଟନାୟକ, ସିଦ୍ଧାର୍ଥ ଜେନା, ହରମୋହନ ବେହେରା, ସ୍ମୃତି ରଞ୍ଜନ ସାହୁ ପ୍ରମୁଖ ରକ୍ତ ଭଣ୍ଡାର କର୍ମୀମାନଙ୍କ ସହ ସହଯୋଗ କରିଥିଲେ l
ରିପୋର୍ଟ : ଶୁଭମ ପାଣି
