ଢେଙ୍କାନାଳ (ଶୁଭମ ପାଣି) ଢେଙ୍କାନାଳ ପ୍ରେସକ୍ଲବ ପକ୍ଷରୁ ଶହୀଦ ବାଜୀ ରାଉତଙ୍କ ଜନ୍ମଦିନ ପାଳନ ଅବସରରେ ଗୋପବନ୍ଧୁ ଟାଉନ ହଲରେ ଗତକାଲି ସନ୍ଧ୍ୟାରେ ଏକ ସାଧାରଣ ସଭାର ଆୟୋଜନ କରାଯାଇଥିଲା ।
“ସ୍ୱାଧୀନତା ସଂଗ୍ରାମକୁ ଢେଙ୍କାନାଳ ପ୍ରଜାମଣ୍ଡଳର ଦାନ” ଶୀର୍ଷକ ଉପରେ ବକ୍ତାମାନେ ବକ୍ତବ୍ୟ ପ୍ରଦାନ କରିଥିଲେ । ଏଥିରେ ବିଧାୟକ ସରୋଜ କୁମାର ସାମଲ, ଯୋଗେନ୍ଦ୍ର ନାଥ ତ୍ରିପାଠୀ, ସୁକାନ୍ତ ମିଶ୍ର, ଶଶୀ ରଥ, ପ୍ରଦ୍ୟୁମ୍ନ ରଥ, ମୃଣାଳ ଚାଟାର୍ଜୀ, ଅଥୟ କୁମାର ସାହୁ, ସତ୍ୟ ସ୍ୱରୂପ ଦାଶ ପ୍ରମୁଖ ବହୁ ମାନ୍ୟଗଣ୍ୟ ବ୍ୟକ୍ତି ଯୋଗଦେଇ ଉଦବୋଧନ ଦେଇଥିଲେ । ଏଥିପୂର୍ବରୁ ଗତ କାଲି ସକାଳେ ବାଜୀ ରାଉତଙ୍କ ପ୍ରତିମୂର୍ତ୍ତି ଉପରେ ପୁଷ୍ପଗୁଚ୍ଛ ଦେଇ ସାମ୍ବାଦିକମାନେ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।