ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳର ବଳଦେବ ଜୀଉ ମନ୍ଦିର ପ୍ରାଙ୍ଗଣରେ ଢେଙ୍କାନାଳ ଜିଲ୍ଲା ବିଚାର ବିଭାଗ ଅବସରପ୍ରାପ୍ତ କର୍ମଚାରୀମାନଙ୍କର ଏକ ବନ୍ଧୁ ମିଳନ ହୋଇଥିଲା . ଏଥିରେ ଜିଲ୍ଲାର ସମସ୍ତ ଅବସରପ୍ରାପ୍ତ କର୍ମଚାରୀମାନେ ଉପସ୍ଥିତ ରହି ପରସ୍ପର ଭାବର ଆଦାନ ପ୍ରଦାନ କରିବା ସହିତ ବହୁ ମୂଲ୍ୟବାନ ମତ ବିନିମୟ କରିଥିଲେ ଏବଂ ନିୟମିତ ବ୍ୟବଧାନରେ ଏପରି ବନ୍ଧୁମିଳନ କରିବା ପାଇଁ ସ୍ଥିର କରାଯାଇଥିଲା . ଏହି ବନ୍ଧୁମିଳନରେ ବିଗତ ବନ୍ଧୁମାନଙ୍କ ପାଇଁ କିଛି ସମୟ ନିରବ ପ୍ରାଥନା କରି ଶେଷରେ ଠାକୁରଙ୍କ ପ୍ରସାଦ ସେବନ କରି ସଭା ଭଙ୍ଗ କରିଥିଲେ . ଏହି ସଭାରେ ଭଗବାନ ପଣ୍ଡା, ନୃସିଂହ ଚରଣ ମହାପାତ୍ର, ତ୍ରିଲୋଚନ ସାହୁ, ପ୍ରହ୍ଲାଦ ସ୍ୱାଇଁ, କୁଳମଣି ନାୟକ, ଦୋଳଗୋବିନ୍ଦ ଶତପଥୀ, ରବିନାରାୟଣ ମହାନ୍ତି, ଭୂଗୋଳ କିଶୋର ସାହୁଙ୍କ ସମେତ ଅନ୍ୟାନ୍ୟ କର୍ମଚାରୀମାନେ ଅଂଶ ଗ୍ରହଣ କରିଥିଲେ
ରିପୋର୍ଟ : ଶୁଭମ କୁମାର ପାଣି