ବ୍ରହ୍ମପୁର (ସମୃଦ୍ଧ ଓଡିଶା) ବ୍ରହ୍ମପୁରରେ ଦକ୍ଷିଣାଞ୍ଚଳ ପୋଲିସ ଡି.ଆଇ.ଜିଙ୍କ କାର୍ଯ୍ୟାଳୟ ସମ୍ମିଳନୀ କକ୍ଷରେ ପୋଲିସ ଅଧିକାରୀଙ୍କ ନିର୍ବାଚନୀ ପ୍ରସ୍ତୁତି ଓ ତାଲିମ ଶିବିର ଆୟୋଜିତ ହୋଇଯାଇଛି । ଏହି ଶିବିରରେ ଉଭୟ ଦକ୍ଷିଣ ପଶ୍ଚିମାଞ୍ଚଳର ମୋଟ ୯ଟି ଜିଲ୍ଲାର ଏସପି ଓ ମୋଟ ୮୦ରୁ ଅଧିକ ବରିଷ୍ଠ ପୋଲିସ ଅଧିକାରୀ ଯୋଗ ଦେଇଥିଲେ । ଏହି ତାଲିମ ଶିବିରକୁ ରାଜ୍ୟ ସହକାରୀ ମୁଖ୍ୟ ନିର୍ବାଚନ ଅଧିକାରୀ ସଚିନ ଯାଦବ ଉଦଘାଟନ କରିଥିଲେ । ଏଥିରେ ଆଇଜି ଆଇନ ଶୃଙ୍ଖଳା ଅମିତାଭ ଠାକୁର ଓ ଦକ୍ଷିଣାଞ୍ଚଳ ପୋଲିସ ଡିଆଇଜି ଆଶିଷ କୁମାର ସିଂ ଉପସ୍ଥିତ ଥିଲେ । ଏହି ଶିବିରରେ ମୁଖ୍ୟ ନିର୍ବାଚନ ଆୟୋଗଙ୍କ ଦ୍ୱାରା ନିଯୁକ୍ତ ସ୍ୱତନ୍ତ୍ର ତାଲିମ ପ୍ରାପ୍ତ ପ୍ରଶିକ୍ଷକ ଜାନକୀ ବଲ୍ଲଭ ମିଶ୍ର ଓ ରବି ସାହୁ ଯୋଗଦେଇ ଆଗାମୀ ନିର୍ବାଚନକୁ ଅବାଧ ଓ ନିରପେକ୍ଷ କରାଯାଇପାରିବ ସେ ନେଇ ପ୍ରଶିକ୍ଷଣ ପ୍ରଦାନ କରିଛନ୍ତି । ଏହି ଶିବିରରୁ ତାଲିମ ପାଇବା ପରେ ଏମାନେ ଜିଲ୍ଲା ସ୍ତରରେ ଯାଇ ପ୍ରଶିକ୍ଷଣ ପ୍ରଦାନ କରିବେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା