ଗୋପାଳପୁର (ସମୃଦ୍ଧ ଓଡିଶା) ଗତକାଲି ଦିନିକିଆ ଗଞ୍ଜାମ ଗସ୍ତରେ ଆସି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଅନେକ ପ୍ରକଳ୍ପର ଉଦଘାଟନ କରିଛନ୍ତି । ଗୋପାଳପୁର ଓ ବ୍ରହ୍ମପୁର ନିର୍ବାଚନ ମଣ୍ଡଳୀ ଗସ୍ତରେ ଆସି ମୁଖ୍ୟମନ୍ତ୍ରୀ ୩ ଶହ କୋଟି ଟଙ୍କାରୁ ଉଦ୍ଧ୍ୱର୍ ପ୍ରକଳ୍ପର ଉଦଘାଟନ ଓ ଭିତିପ୍ରସ୍ତର ସ୍ଥାପନ କରି ବିକାଶ କ୍ଷେତ୍ରରେ ଓଡ଼ିଶା ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛି ବୋଲି କହିଥିଲେ । ଏହାପରେ ଗୋପାଳପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ପାଲୁରହିଲ୍ ଠାରେ ମେଗା ଏଜୁକେସନାଲ ହବ୍ ଓ ଗୋପାଳପୁର ଜଙ୍କସନ ଠାରେ ୭୪କୋଟି ଟଙ୍କା ବ୍ୟୟରେ ନବନିର୍ମିତ ରେଳ ଓଭରବ୍ରିଜର ଉଦଘାଟନ କରିଥିଲେ । ଓଡ଼ିଶା ଶିଳ୍ପ, ସ୍ୱାସ୍ଥ୍ୟ ଓ ବିକାଶ କ୍ଷେତ୍ରରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରି ପାରିଛି ତେଣୁ
ଆଗକୁ ବିକାଶର ଧାରା ଜାରୀ ରହିବ ବୋଲି ମୁଖ୍ୟମନ୍ତ୍ରୀ କହିଥିଲେ । ଏହି କାର୍ଯ୍ରକ୍ରମରେ ମନ୍ତ୍ରୀ ସୂର୍ଯ୍ୟ ପାତ୍ର, ବିକ୍ରମ ଆରୁଖ, ଉଷା ଦେବୀ, ବ୍ରହ୍ମପୁର ସାଂସଦ ସିଦ୍ଧାନ୍ତ ମହାପାତ୍ର ସମେତ ବ୍ରହ୍ମପୁର, ଗୋପାଳପୁର, ସୋରଡ଼ା, ଛତ୍ରପୁର, ପୋଲସରା, ସାନଖେମୁଣ୍ଡି ବିଧାୟିକ ବିଧୟିକାମାନେ ଅଂଶ ଗ୍ରହଣ କରିଥିଲେ ।
ରିପୋର୍ଟ : ନିମାଇଁ ଚରଣ ପଣ୍ଡା