ଫୁଲନଖରା (ସମୃଦ୍ଧଓଡିଶା) ଦୀର୍ଘ ୨୩ ବର୍ଷ ହେଲା ପ୍ରକାଶିତ ହୋଇ ଆସୁଥିବା ଧର୍ମ, ତତ୍ତ୍ୱ, ସମ୍ବାଦ ଓ ସଂସ୍କାରମୂଳକ ସର୍ବଧର୍ମ ସମନ୍ୱୟୀ ଆଧ୍ୟାତ୍ମିକ ପତ୍ରିକା ” ଦିବ୍ୟାଲୋକ ସନ୍ଧlନେ ” ର ଦୁର୍ଗାପୂଜା ସଂଖ୍ୟା ଟି ଏକକ ଅତିଥି କମିଶନରେଟ ପୁଲିସ ର ଅତିରିକ୍ତ ଡି.ସି.ପି ଦେବଦତ୍ତ କର ଙ୍କ ଦ୍ୱାରା ଲୋକାର୍ପିତ ହୋଇଯାଇଛି l ପତ୍ରିକା ର ମୁଖ୍ୟ ସମ୍ପାଦକ ଡଃ ଶରତ କୁମାର ରଥ ଙ୍କ ସଭାପତିତ୍ୱ ରେ ଅନୁଷ୍ଠିତ ଏହି ଉନ୍ମୋଚନ ଉତ୍ସବ ରେ ପତ୍ରିକାକୁ ଉନ୍ମୋଚନ କରି ଅତିରିକ୍ତ ଡିସିପି ପ୍ରତ୍ୟେକ ମଣିଷ ପ୍ରତି ମୁହୂର୍ତ୍ତ ରେ ବିଭୁ ସମର୍ପିତ ହୋଇ କାର୍ଯ୍ୟ କଲେ ସଫଳତା ମିଳି ପାରିବ ବୋଲି ମତବ୍ୟକ୍ତ କରିଥିଲେ l ଅନ୍ୟମାନଙ୍କ ମଧ୍ୟରେ ବିଶିଷ୍ଠ ଆଧ୍ୟାତ୍ମିକ ସ୍ତମ୍ଭକାର ଶ୍ରୀସନ୍ନ୍ୟାସୀ ଜୀ, ବରିଷ୍ଠ ସାମ୍ବାଦିକ ସୁରେନ୍ଦ୍ର ମହାପାତ୍ର, ପ୍ରକୃତି ବନ୍ଧୁ ପ୍ରତାପ କେଶରୀ ପାତ୍ର, ବିଭୁତି ଭୂଷଣ ତରାଇ ପ୍ରମୁଖ ଉପସ୍ଥିତ ଥିଲେ l ପତ୍ରିକା ର ପରିଚାଳନା ସମ୍ପାଦକ ଇଞ୍ଜିନିଅର ବିପ୍ଳବ ଦାସ ଧନ୍ୟବାଦ ଅର୍ପଣ କରିଥିବା ବେଳେ ପ୍ରସାର ଅଧିକାରୀ ଡଃ ଆରତୀ ପଣ୍ଡା କାର୍ଯ୍ୟକ୍ରମ କୁ ପରିଚାଳନା କରିଥିଲେ l
ରିପୋର୍ଟ : ରଜତ ମହାପାତ୍ର