ଜଳେଶ୍ଵର (ସମୃଦ୍ଧ ଓଡିଶା) ଜଣେ ଦିବ୍ୟାଙ୍ଗ ଦୃଷ୍ଟି ହୀନ ଝିଅକୁ ଖୋଜୁଛି ଦୃଷ୍ଟିହୀନ ଦୀବ୍ୟାଙ୍ଗ ବାପା । ଯୁବତୀ ଜଣକ ଗତ ତେର ଦିନ ହେବ କୁଆଡେ ନିଖୋଜ ହୋଇ ଯାଇଛନ୍ତି । ପୋଲିସ ନିକଟରେ ଏନେଇ ଦିବ୍ୟାଙ୍ଗ ବାପା ଅଭିଯୋଗ ପରେ ମଧ୍ୟ ପୋଲିସ ହାତ ଖାଲି କରି ବସିଛି । ଏମିତି ଘଟଣା ଦେଖିବାକୁ ମିଳିଛି ସିଂଲା ଥାନା ପାଣିଶୁଳିଆ ଗ୍ରାମରେ । ଏହି ଗ୍ରାମର ଗଣେଶ ଚନ୍ଦ୍ର ପ୍ରଧାନ ଜଣେ ଦୃଷ୍ଟିହୀନ ଦିବ୍ୟାଙ୍ଗ । ସେ ଗୀତ ଗାଇବା ସହ ମାଗିଯାଚି ପରିବାର ପ୍ରତି ପୋଷଣ କରିଥାନ୍ତି । ସାନ ଝିଅ ରଞ୍ଜିତା(୨୦) ଦିବ୍ୟାଙ୍ଗ ହୋଇଥିବା ବେଳେ ଗତ ଜୁନ ମାସ ୨୧ ତାରିଖ ରାତିରେ ମା ମିନତିଙ୍କ ସହ ଖାଇ ଶୋଇଥିଲା । ମାତ୍ର ସେହି ଦିନ ରାତିରୁ ଯୁବତୀ ଜଣକ କୁଆଡେ ନିଖୋଜ ହୋଇ ଯାଇଥିଲେ । ବହୁ ଖୋଜାଖୋଜି ପରେ ସବୁ ଆଡୁ ନିରାଶ ହୋଇ ୨୩ ତାରିଖ ସିଂଲା ଥାନାରେ ଅଭିଯୋଗ କରିଥିଲେ । ତେବେ ବାରମ୍ବାର ଥାନାକୁ ଦୌଡ଼ି ନୟାନ୍ତ ହୋଇ ପଡିଲେଣି ଗଣେଶ । ଏନେଇ ସିଂଲା ଥାନା ଅଧିକାରୀ ପ୍ରଶାନ୍ତ କୁମାର ଜେନାଙ୍କୁ ପଚାରିବାରୁ ତାଙ୍କର ତଦନ୍ତ ଜାରି ରିହିଛି ବୋଲ ସୂଚନା ଦେଇଛନ୍ତି ।
ରିପୋର୍ଟ : ଭୂପତି ପରିଡା