ଛତ୍ରପୁର (ସମୃଦ୍ଧ ଓଡିଶା) ଛତ୍ରପୁର ବ୍ଲକର ଟାଙ୍ଗଣାପଲ୍ଲୀ ପଞ୍ଚାୟତ ଅନ୍ତର୍ଗତ କେ.ସି.ନଗରଡ଼ିହ ଗ୍ରାମରେ ନବନିର୍ବାଚିତ ସାନଖେମୁଣ୍ଡି ବିଧାୟକ ରମେଶ ଚନ୍ଦ୍ର ଜେନାଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇଛି । ପ୍ରାରମ୍ଭରେ ଯୁବନେତା ଅବନୀ କୁମାର ଶତପଥୀଙ୍କ ନେତୃତ୍ୱାଧୀନରେ ବିଧାୟକ ରମେଶ ଚନ୍ଦ୍ର ଜେନାଙ୍କୁ ଟାଙ୍ଗଣାପଲ୍ଲୀ ଓ ମିଲ ଛକରୁ ଏକ ବିରାଟ ଶୋଭାଯାତ୍ରା ବାହାରିବା ସଂଗେ ସଂଗେ ଆତସବାଜି, ବାଣ ଫୁଟା ଯାଇଥିଲା । ଏହି ଶୋଭାଯାତ୍ରାରେ ନରେନ୍ଦ୍ର ସ୍ୱାଇଁ, ନରସିଂହ ସେଠି, ପୂର୍ବତନ ବ୍ଲକ ଅଧ୍ୟକ୍ଷ ବି.ସୁଦାମ, ସରପଂଚ ପ୍ରତିନିଧି ସନ୍ତୋଷ କୁମାର ପ୍ରଧାନ, ଅଜୟ କୁମାର ଶତପଥୀ, ତ୍ରିଲୋଚନ ଶତପଥୀ, ଗୋକୁଳାନନ୍ଦ ଶତପଥୀ, ପଦ୍ମମା ଶତପଥୀଙ୍କ ସମେତ ଶତାଧିକ ମହିଳା, ପୁରୁଷ ଓ ଯୁବକମାନେ ଅଂଶ ଗ୍ରହଣ କରି ବିଧାୟକଙ୍କୁ ଶୁଭେଚ୍ଛା ଜଣାଇଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା