ବ୍ରହ୍ମପୁର (ସମୃଦ୍ଧ ଓଡିଶା) ସ୍ଵେଚ୍ଛାସେବୀ ଅନୁଷ୍ଠାନ ବିପଦର ବନ୍ଧୁ, ଗଞ୍ଜାମ ପକ୍ଷରୁ ଆଜି ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକ ଅନ୍ତର୍ଗତ ନାଇକାଣିପଲ୍ଲୀ ଗ୍ରାମର ୧୩ ଅଗ୍ନିବିପନ୍ନ ପରିବାରଙ୍କୁ ଶୁଖିଲା ଖାଦ୍ୟ ଯଥା ଚୁଡା, ଚିନି, ପାଉରୁଟି, ବିସ୍କୁଟ ଆଦି ବଣ୍ଟନ କରାଯାଇଛି । ଏଥିରେ ବିପଦର ବନ୍ଧୁ ସଦସ୍ୟ ତଥା ଶିକ୍ଷକ ଗୌରହରି ପଲେଇ, ଅଙ୍ଗାରଗାଁ ଦଣ୍ଡପାଣି ସୁମନ୍ତରାୟ ଉଚ୍ଚ ବିଦ୍ୟାଳୟର ରାଜ୍ୟପାଳ ପୁରସ୍କାର ପ୍ରାପ୍ତ ବିଜ୍ଞାନ ଶିକ୍ଷକ ପ୍ରସନ୍ନ କୁମାର ନାୟକ, ସମାଜସେବୀ ଜଗବନ୍ଧୁ ସାହୁ, ବନବାସ ପଲେଇ ସମେତ ଅନ୍ୟମାନେ ଉପସ୍ଥିତ ରହି ସହଯୋଗ କରିଥିଲେ । ଘଟଣାରୁ ପ୍ରକାଶ ଯେ ଗତକାଲି ସର୍ଟସର୍କିଟ ଯୋଗୁଁ ଏହି ଗ୍ରାମରେ ଅଗ୍ନିକାଣ୍ଡ ଘଟି ୧୩ ପରିବାରର ଘର ପୋଡି ନଷ୍ଟ ହେବା ସହ ବହୁ ମୂଲ୍ୟବାନ ଆସବାବପତ୍ର ଏବଂ ଟଙ୍କା, ସୁନା ପୋଡି ନଷ୍ଟ ହୋଇଯାଇଛି । ଅଗ୍ନି ପରିବାର ବର୍ଗଙ୍କୁ ସହାୟତା ଯୋଗାଇଦେବା ପାଇଁ ଗ୍ରାମବାସୀ ମାନେ ନିବେଦନ କରିଛନ୍ତି । ବିପଦର ବନ୍ଧୁ ସଦସ୍ୟମାନଙ୍କୁ ଗ୍ରାମବାସୀମାନେ ଧନ୍ୟବାଦ ଜ୍ଞାପନ କରିଛନ୍ତି ।
