ଜଳେଶ୍ୱର (ସମୃଦ୍ଧ ଓଡିଶା) ରାତି ପାହିଲେ ଜଳେଶ୍ୱର ନିର୍ବାଚନ ମଣ୍ଡଳିର କାଦରାୟାଁ ପଂଚାୟତର ୨ଟି ବୁଥ୍ରେ ହେବ ସାନି ମତଦାନ । ଗତକାଲି ସଂଧ୍ୟା ୫ଟାରେ ନିର୍ବାଚନ ପ୍ରଚାର କାର୍ଯ୍ୟ ଶେଷ ହୋଇଥିଲେ ମଧ୍ୟ ଆଜି କାଦରାୟାଁ ଗ୍ରାମ ଚଳଚଞ୍ଚଳ ହୋଇଛି । ଏହାର ପ୍ରତ୍ୟେକଟି ଗଳିକନ୍ଦି ରାସ୍ତାଘାଟ ଏପରିକି ମସ୍ଜିଦ୍ ସମ୍ମୁଖରେ ମଧ୍ୟ ବିଜେଡି ବେନର ଓ ପତାକାରେ ଛାଇ ହୋଇ ଯାଇଛି । ୧୮୭ ଓ ୧୮୯ ବୁଥରେ ରେଗିଂ ହୋଇଥିବା ଅଭିଯୋଗ ପରେ ସାନି ମତଦାନ ହେବାକୁ ଯାଉଥିଲେ ମଧ୍ୟ ରମ୍ଜାନ ଉତ୍ସବ ଅବସରରେ କମ୍ ସଂଖ୍ୟକ ମତଦାନ ଆଶା କରାଯାଉଥିବା ବେଳେ ସ୍ଥାନୀୟ ସରପଂଚ ସେକ୍ ଅବଦୁଲ ଫିରୋଜୁଦ୍ଦିନ ଓ ସମିତି ସଦସ୍ୟା ତୁଳସୀ ଦତ୍ତ ଅଧିକ ମତଦାନ ହେବାର ସମ୍ଭାବନା ରହିଛି ବୋଲି ଆଶାପୋଷଣ କରିଛନ୍ତି । ଗତ ଏପ୍ରିଲ ୨୯ତାରିଖରେ ୧୮୭ ନଂ ବୁଥରେ ୧୦୮୦ ଭୋଟର ଥିବା ବେଳେ ୬୫୪ ଓ ୧୮୯ ନଂ ବୁଥ୍ରେ ୧୧୨୦ ଭୋଟର ମଧ୍ୟରୁ ୭୮୭ ମତଦାନ ହୋଇଥିବା ବେଳେ ଏବେ ଅଧିକ ମତଦାନ ହେବେ ବୋଲି କହିଛନ୍ତି ।
ରିପୋର୍ଟ : ଭୂପତି କୁମାର ପରିଡ଼ା