ଜଳେଶ୍ୱର (ସମୃଦ୍ଧ ଓଡିଶା) ଆଜି ପବିତ୍ର ଗୀତା ଜୟନ୍ତୀ ଉପଲକ୍ଷେ ଜଳେଶ୍ୱର ନୂଆବଜାର ଶିବ ମନ୍ଦିର ପରିସରରେ ସବୁ ବର୍ଷ ପରି ଚଳିତ ବର୍ଷ ଗୀତାଯଜ୍ଞ, ବେଦପାଠ ଅନୁଷ୍ଠିତ ହୋଇଯାଇଛି । ଜଳେଶ୍ୱରର ଧରାଷ୍ଟକ୍ ଓ ନୂଆବଜାର ଅଧିବାସୀଙ୍କ ମିଳିତ ସହଯୋଗରେ ବିଗିଶ୍ୱରୀ ସଂସ୍କୃତ ମହାବିଦ୍ୟାଳୟର ଅଧ୍ୟକ୍ଷ ଡ. ବିବେକାନନ୍ଦ ସାହୁଙ୍କ ସଂଯୋଜନାରେ ଦିବସବ୍ୟାପି ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଭୋରରୁ ଦିନତମାମ ମଙ୍ଗଳଆରତୀ, ଅଧିବାସ, ସଂକଳ୍ପ, ବିଷ୍ଣୁ ଯଜ୍ଞ, ଗୀତା ଯଜ୍ଞ, ବେଦପାଠ ଇତ୍ୟାଦି ଅନୁଷ୍ଠିତ ହୋଇଯାଇଛି । ବିଶ୍ୱ ପରିବେଶ ସମନ୍ନୟ ସର୍ମ୍ପକୀତ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ ଭାଗବତ ଦାସ, ଅବସରପ୍ରାପ୍ତ ଅଧ୍ୟକ୍ଷ ପ୍ରଫୁଲ୍ଲ ପାଠୀ, କମଳ ଚକ୍ରବର୍ତ୍ତୀ, ଗଗନଚନ୍ଦ୍ର ଦାସ, ଭବଶଙ୍କର ପାତ୍ରଙ୍କ ସଂଯୋଜନାରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲାବେଳେ ପଣ୍ଡିତ ରମଣି ରଂଜନ ପାଠୀଙ୍କ ନେତୃତ୍ୱରେ ଏହା ସାଧନ ହୋଇଥିଲା । ଏଥିରେ ହଜାର ହଜାର ଶ୍ରଦ୍ଧାଳୁ ଅଂଶ ଗ୍ରହଣ କରିଥିଲେ ।
ରିପୋର୍ଟ : ଭୂପତି କୁମାର ପରିଡା