ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ଖୁଆଡ ଗ୍ରାମପଂଚାୟତ ଅଧିନ ପୁରୁଣାପାଣି ଗ୍ରାମରେ ଅନୁଷ୍ଠିତ ହୋଇଥିବା ନେତାଜୀ ମେମୋରିଆଲ ଟୁର୍ଣ୍ଣମେଣ୍ଟ ଇତିମଧ୍ୟରେ ଉଦଯାପିତ ହୋଇଛି । ଏହି ଟୁର୍ଣ୍ଣମେଣ୍ଟରେ ସର୍ବମୋଟ ୧୬ଟି ଦଳ ଅଂଶ ଗ୍ରହଣ କରିଥିଲେ । ଫାଇନାଲ ଖେଳ ଖୁଆଡସ୍ଥିତ ହାପି ଷ୍ଟାର୍ସ ଓ ଚିଙ୍ଗିଡିଆ ଆଶ୍ରୟ କେନ୍ଦ୍ର ମଧ୍ୟରେ ଅନୁଷ୍ଠିତ ହୋଇଥିଲା । ଏହି ଫାଇନାଲ ଖେଳରେ ହେପି ଷ୍ଟାର୍ସ ଚମ୍ପିଆନ୍ ହୋଇ ନଗଦ୧୦ହଜାର ଓ ଟ୍ରଫି ହାସଲ କରିଥିବା ଆଶ୍ରୟ କେନ୍ଦ୍ର ଦଳ ରନର୍ସଅଫ ହୋଇ ନଗଦ ୭ହଜାର ଟଙ୍କା ଓ ଟ୍ରଫି ହାସଲ କରିଥିଲା । ଏହି ଅବସରରେ ଅନୁଷ୍ଠିତ ପୁରସ୍କାର ବିତରଣ କାର୍ଯ୍ୟକ୍ରମରେ ଜଳେଶ୍ୱର ବ୍ଲକର ପୂର୍ବତନ ଅଧ୍ୟକ୍ଷ ତପନ ଦାସ ମୁଖ୍ୟ ଅତିଥି ରୂପେ ଯୋଗ ଦେଇ ଉଭୟ ଦଳକୁ ଟ୍ରଫି ପ୍ରଦାନ କରିଥିଲେ । ଏହି ଉତ୍ସବରେ ଅନ୍ୟମାନଙ୍କ ମଧ୍ୟରେ ବୀରକିଶୋର ଦାସ, ସୁବାଷ ଗାନ୍ଧି, ଦିପ୍ତିଚନ୍ଦ୍ର ରାଜହଂସ, ପ୍ରଶାନ୍ତ ଗାନ୍ଧି, ଜୀବନ ମଲ୍ଲିକ, ଶଶାଂକ ଶେଖର ଜେନା, ଭାଷ୍କର ଦାସ, ନନ୍ଦଲାଲ ମୁର୍ମୁ ପ୍ରମୁଖ ସମ୍ମାନୀତ ଅତିଥିରୂପେ ଯୋଗ ଦେଇଥିଲେ । ଏହି ଟୁର୍ଣ୍ଣାମେଣ୍ଟକୁ ଦେଖିବା ପାଇଁ ଓଡିଶା ଓ ପଶ୍ଚିମବଂଗର ବହୁ କ୍ରିଡାପ୍ରେମୀ ଉପସ୍ଥିତ ଥିଲେ ।
ରିପୋର୍ଟ : ଭୂପତି କୁମାର ପରିଡା