ପାରଳାଖେମୁଣ୍ଡି (ସମୃଦ୍ଧ ଓଡିଶା) ଗଜପତି ଜିଲ୍ଲା ଗୋଷାଣୀ ବ୍ଲକ୍ ଗୁରାଣ୍ଡି ଥାନା ଅନ୍ତର୍ଗତ ଜଙ୍ଗଲପାଡୁ ଗ୍ରାମର ୫ ଜଣ ଛାତ୍ର ନିଖୋଜ । ନିଖୋଜ ହୋଇଥିବା ବାଳକ ମାନେ ଦଶମ ଶ୍ରେଣୀ ଛାତ୍ର ବୋଲି ଜଣାପଡିଛି । ସୂଚନା ଅନୁଯାୟୀ ଶନିବାର ସକାଳ ପ୍ରାୟ ୯ ଘଣ୍ଟା ସମୟରେ ଛାତ୍ର ମାନେ ସ୍କୁଲ ଯାଇଥିଲେ ମାତ୍ର ସ୍କୁଲ ଯାଇ ଘରକୁ ଫେରିନଥିଲେ । ଫଳରେ ଛାତ୍ରମାନଙ୍କ ପରିବାର ବର୍ଗ ସନ୍ଦେହ କରି ପିଲାମାନଙ୍କୁ ଖୋଜା ଖୋଜି କରିଥିଲେ । ଖୋଜା ଖୋଜିରେ ନ ପାଇବାରୁ ପରିବାର ବର୍ଗ ଗୁରାଣ୍ଡି ଥାନାରେ ଅଭିଯୋଗ କରିଥିଲେ । ନିଖୋଜ ବାଳକ ମାନେ ହେଲେ କାହ୍ନା ନାୟକ(୧୫), ବିକ୍ରମ ଜେନା(୧୪), ଶୁଭମ୍ ଜେନା(୧୪), ଚିନ୍ମୟ ଜେନା(୧୫) ଏବଂ ତମ୍ବୁରୁ ନାୟକ(୧୫) ବୋଲି ଜଣାପଡ଼ିଛି । ପୋଲିସ ପ୍ରଥମିକ ତଦନ୍ତରୁ ପିଲାମାନେ ଆନ୍ଧ୍ରପ୍ରଦେଶ ଯାଇଥିବା ଅନୁମାନ କରୁଛି ।
ରିପୋର୍ଟ : କୃଷ୍ଣ କୁମାର ବେହେରା