ଛତ୍ରପୁର (ସମୃଦ୍ଧ ଓଡିଶା) ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ କଂଗ୍ରେସ ପକ୍ଷରୁ ଦୁର୍ଘଟଣା ଗ୍ରସ୍ତ ସନ୍ତୋଷଙ୍କୁ ୧୦ ହଜାର ଟଙ୍କା ଗତକାଲି ପ୍ରଦାନ କରାଯାଇଛି । ସୂଚନା ଅନୁଯାୟୀ ଗଞ୍ଜାମ ସହର ଷ୍ଟେସନ ରୋଡ଼ରେ ରହି ଆସୁଥିବା ସନ୍ତୋଷ ସେଠୀ(୩୦)ଙ୍କ ଦୁର୍ଘଟଣାରେ ବିକଳାଙ୍ଗ ହୋଇ ଦୁର୍ଦ୍ଦିନରେ କାଳତିପାତ କରୁଥିବା ନେଇ ଖବର ପ୍ରକାଶ ପାଇଥିଲା । ଯାହାକୁ ନେଇ ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ନିର୍ଦେଶ କ୍ରମେ ପ୍ରଦେଶ କଂଗ୍ରେସ କମିଟି ମେମ୍ବର ଶମ୍ଭୁନାଥ ପାଣିଗ୍ରାହୀ ଗଞ୍ଜାମ ସହର ଷ୍ଟେସନ ରୋଡ଼ରେ ପହଞ୍ଚି ସନ୍ତୋଷଙ୍କୁ ଦଶ ହଜାର ଟଙ୍କା ସହାୟତା ରାଶି ପ୍ରଦାନ କରିଥିଲେ । ଏହାସହ ଆଗାମୀ ଦିନର ଚିକିତ୍ସାରେ ସହାୟତା କରିବେ ବୋଲି ପ୍ରତିଶ୍ରୁତି ଦେଇଥିଲେ । ସହାୟତା ପ୍ରଦାନ ବେଳେ କଂଗ୍ରେସ ନେତା ଭାଗିରଥି ବେହେରା, ଗଞ୍ଜାମ ନଗର କଂଗ୍ରେସ ସମ୍ପାଦକ ଟୁନା ଶତପଥୀ, ବରିଷ୍ଟ ନାଗରିକ ପରିଷଦ ସଭାପତି ଲିଙ୍ଗରାଜ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
