ଜବଲପୁର(ସମୃଦ୍ଧ ଓଡିଶା) ଗତ କାଲି ମଙ୍ଗଳବାର ରାତିରେ ମଧ୍ୟପ୍ରଦେଶର ଜବଲପୁର ଜିଲ୍ଲା ଅନ୍ତର୍ଗତ ଶାହାପୁର ଭିତ୍ନୋଇରେ ଏକ ମାଲ୍ବାହୀ ଟ୍ରେନ୍ରୁ ୨ଟି ‘ଏଲ୍ପିଜି’ ୱାଗନ୍ ଲାଇନ୍ଚ୍ୟୁତ ହୋଇଥିବା ଖବର ମିଳିଛି । ମାଲ୍ ଖଲାସ ପାଇଁ ଗାଡ଼ିଟି ରଖାଯାଇଥିବା ବେଳେ ‘ଏଲ୍ପିଜି’ ୱାଗନ୍ ଦୁଇଟି ଧାରଣାରୁ ବାହାରି ଯାଇଥିଲା। ଏକ ଘରୋଇ କମ୍ପାନି ନିମନ୍ତେ ଏହି ୱାଗନ୍ ଦୁଇଟିରେ ‘ଏଲ୍ପିଜି’ ଯାଉଥିଲା। କିନ୍ତୁ, ଏଥିଯୋଗୁଁ ଟ୍ରେନ୍ ଚଳାଚଳ ପାଇଁ ଥିବା କୌଣସି ମୁଖ୍ୟ ଲାଇନ୍ ପ୍ରଭାବିତ ହୋଇନାହିଁ। ଆଜି ସୂର୍ଯ୍ୟୋଦୟ ପରେ ‘ସାଇଡିଙ୍ଗ୍ ଅଥରିଟି’ମାନଙ୍କ ଉପସ୍ଥିତିରେ ସେଠାରେ ପୁନରୁଦ୍ଧାର କାର୍ଯ୍ୟ ଆରମ୍ଭ ହୋଇଛି। ଶାହାପୁର ଅନ୍ତର୍ଗତ ଭିତୋନି ଷ୍ଟେସନ୍ ନିକଟରେ ଥିବା ଭାରତ ପେଟ୍ରୋଲିୟମ୍ ଡିପୋ ନିକଟରେ ଏହି ଦୁର୍ଘଟଣା ଘଟିଛି। ଏ ସଂକ୍ରନ୍ତାରେ ସୂଚନା ପାଇବାକ୍ଷଣି ରେଳବାଇ ଅଧିକାରୀମାନେ ‘ଆକ୍ସିଡେଣ୍ଟ୍ ରିଲିଫ୍ ଭେଇକିଲ’ ସହିତ ବିଳମ୍ବିତ ରାତ୍ରରେ ଘଟଣାସ୍ଥଳରେ ପହଞ୍ଚିଥିଲେ ବୋଲି ଖବର ମିଳିଛି ।
