ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ତଥା ରାଇବଣିଆ ଥାନାର ଖୁଆଡ ପଞ୍ଚାୟତର ପୂର୍ବତନ ସରପଞ୍ଚ ତଥା ସମାଜସେବୀ ସୁଧିର ପାତ୍ର (୬୮) ଗତ ବୁଧବାର ସଂଧ୍ୟା ୫.୧୫ ମିରେ ପରଲୋକ ହୋଇଛି । ସେ ଦୀର୍ଘଦିନ ଧରି ଅସୁସ୍ଥ୍ ଥିଲେ । ଏବେ ସେ ପଞ୍ଚାୟତର ବିଜେଡି ସଭାପତି ଥିବା ବେଳେ ଏବେ ଗୋପବନ୍ଧୁ ୟୁର୍ଥ କ୍ଲବର ସଭାପତି, ସେବା ସମବାୟ ସମିତିର ପୂର୍ବତନ ସଭାପତି ଓ ବିଭିନ୍ନ ଅନୁଷ୍ଠାନ ସହିତ ଜଡିତ ଥିଲେ । ତାଙ୍କ ମୃତ୍ୟୁରେ ସମଗ୍ର ରାଇବଣିଆ ଅଂଚଳରେ ଶୋକର ଛାୟା ଖେଳି ଯାଇଛି । ବିଧାୟକ ଅଶ୍ୱିନୀ ପାତ୍ରଙ୍କର ସେ ପାରିବାରିକ ଭାଇ ଥିଲେ । ତାଙ୍କ ମୃତ୍ୟୁ ଖବର ପାଇ ସମବାୟବିତ୍ ମାନସ ଜେନା, ଅଜୟ ମହାନ୍ତି, ଦିଲ୍ଲିପ ସାମଲ, ଜ୍ୟେତିନ୍ଦ୍ର ମହାନ୍ତି, ମନିନ୍ଦ ଧର, ଖୁଆର୍ଡ ସରପଞ୍ଚ ଖୁଲଣା ପାତ୍ର, ଶ୍ୟାମନଗର ସରପଞ୍ଚ ପ୍ରମୁଖ ଶେଷ ଦର୍ଶନ କରିଥିଲେ । ମୃତ୍ୟୁ ସମୟରେ ୨ଝିଅ ଓ ୨ଜ୍ୱାଇଁ ଥିବା ବେଳେ ପୁତୁରା ସତ୍ୟବ୍ରତ ପାତ୍ର ଓ ଜ୍ୱାଇଁ ଘନଶ୍ୟାମ ସାହୁ ମୁଖାଗ୍ନି ଦେଇଥିଲେ ।
ରିପୋର୍ଟ : ଭୂପତି କୁମାର ପରିଡା