କେଦାରପୁର (ସମୃଦ୍ଧ ଓଡିଶା) କେଦାରପୁର ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟ ପରିସର ମଧ୍ୟରେ ବିଦ୍ୟାଳୟ ପ୍ରଧାନ ଶିକ୍ଷକ ଗୋପୀନାଥ ପଟ୍ଟନାୟକଙ୍କ ସଭାପତିତ୍ୱରେ ପୋଷାକ ବିତରଣ ଉତ୍ସବ ଓ ”ମୋ ସ୍କୁଲ ଶ୍ରେଷ୍ଠ ସ୍କୁଲ”ର ଚେୟାର ଟେବୁଲ ବଣ୍ଟନ ଉତ୍ସବ ଅନୁଷ୍ଠିତ ହୋଇଥିଲା । ମୁଖ୍ୟ ଅତିଥି ବ୍ଲକ ଉପାଧ୍ୟକ୍ଷ ପ୍ରତିନିଧି ଏମ.ନିରଞ୍ଜନ ରେଡ୍ଡୀ ମୁଖ୍ୟ ବକ୍ତା ଏବିଇଓ ବିଶ୍ରବା ପାଇକ, ସମ୍ମାନିତ ଅତିଥି ଭାବେ ଏବିଇଓ ବାଳା ମାଝୀ ଏବିଇଓ ରସାନନ୍ଦ ଘଡେଇ, ସିଆରସିସି ଶ୍ରୀମତୀ ସ୍ୱୟଂପ୍ରଭା ପଟ୍ଟନାୟକ ଏବଂ ବିଦ୍ୟାଳୟ ସଭାପତି କୁରସୁ ରଣା ଯୋଗ ଦେଇଥିଲେ । ବିଦ୍ୟାଳୟର ପ୍ରାୟ ୭୧ ଜଣ ଛାତ୍ରଛାତ୍ରୀଙ୍କ ପାଇଁ ଆସିଥିବା ପୋଷାକ ଓ ଜୋତା ବିତରଣ କରାଯାଇଥିଲା । ମୁଖ୍ୟ ଅତିଥି ଏମ.ନିରଞ୍ଜନ ରେଡ୍ଡୀ ”ମୋ ସ୍କୁଲ ଶ୍ରେଷ୍ଠ ସ୍କୁଲ” ରେ ଚେୟାର ଓ ଟେବୁଲ ଷଷ୍ଠ ଠାରୁ ଅଷ୍ଟମ ଶ୍ରେଣୀ ଯାଏଁ ବସିବାର ବ୍ୟବସ୍ଥା କରାଇବା ଘୋଷଣା କରିଥିଲେ । ବିଦ୍ୟାଳୟର ପ୍ରଥମରୁ ଅଷ୍ଟମ ଯାଏଁ ୭୧ ଜଣ ଛାତ୍ରଛାତ୍ରୀଙ୍କ ପୋଷାକ ବଣ୍ଟନ ଯୋଗ ଦେଇଥିବା ସମସ୍ତ ଅତିଥି ମାନେ ବିତରଣ କରିଥିଲେ । ବିଦ୍ୟାଳୟର ଶିକ୍ଷକ ରାମ ଚନ୍ଦ୍ର ସେଠି ସମସ୍ତ ଅତିଥି ମାନଙ୍କୁ ଧନ୍ୟବାଦ ଦେଇଥିଲେ । ଶିକ୍ଷକ ଏଲ.କୃଷ୍ଣ ମୂର୍ତ୍ତି ଦୋରା, ପ୍ରଭାକର ଘଡେଇ, ଶୁଭଶ୍ରୀ ସାହୁ ସଭା ପରିଚାଳନା କରିଥିଲେ ।
ରିପୋର୍ଟ : ଗୋପୀନାଥ ପଟ୍ଟନାୟକ