ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକର ଜଣେ ପ୍ରାଥମିକ ଶିକ୍ଷକ ଭାବେ କାର୍ଯ୍ୟ ଆରମ୍ଭ କରି ଦୀର୍ଘ ୩୫ବର୍ଷ ଧରି ଚାଲନ୍ତି ପ୍ରାଥମିକ ବିଦ୍ୟାଳୟ ଓ ଜମାଳପୁର ପ୍ରାଥମିକ ବିଦ୍ୟାଳୟରେ ଶିକ୍ଷକତା କରି ଏ ଅଂଚଳରେ ବହୁ ଛାତ୍ରଛାତ୍ରୀ ସୃଷ୍ଟି କରିଛନ୍ତି । ସେ ଏକା ଧାରରେ ଜଣେ ଶିକ୍ଷକ, ସମାଜସେବି, ଛାତ୍ରବତ୍ସଳ, ପରୋପକାରୀ ଓ ସୁସଂଗଠକ ଭାବେ ଜଳେଶ୍ୱର ଅଞ୍ଚଳରେ ପରିଚିତ ଥିଲେ । ଗତ ୧୫ତାରିଖ ଦିନ ୮.୪୦ମିସ. ସମୟରେ ୯୦ବର୍ଷ ବୟସରେ ଯାନପୁରଠାରେ ଅବସ୍ଥାପିତ ନିଜ ସାନପୁଅ ପ୍ରାଣକୃଷ୍ଣ ସାହୁଙ୍କ ବାସଭବନରେ ପ୍ରାଣତ୍ୟାଗ କରିଛନ୍ତି । ତାଙ୍କୁ ବୈତରଣୀ ନଦୀର ତ୍ରିବେଣୀଘାଟ ଠାରେ ଶେଷ କୃତ୍ୟ କରାଯାଇଛି । ବଡପୁଅ ବାଲେଶ୍ୱର ପ୍ରାଣିଧନ ଉପଜିଲା ଅଧିକାରୀ ଜୀବନ କୃଷ୍ଣ ସାହୁ ତାଙ୍କ ମୁଖାଗ୍ନି ଦେଇଥିବା ବେଳେ ପରିବାରବର୍ଗ ନାତି ନାତୁଣୀ, ପୁତ୍ର ବଧୂ, ଝିଅ-ଜ୍ୱାଇଙ୍କ ସହିତ ଇଂ ରଣଜିତ୍ ସାହୁ ଉପସ୍ଥିତ ଥିଲେ । ତାଙ୍କ ମୃତ୍ୟୁପରେ ଏ ଅଂଚଳର ବହୁ ଛାତ୍ରଛାତ୍ରୀ ସରକାରୀ କାର୍ଯ୍ୟରେ ଅବସ୍ଥାପିତ ଥାଇ ଶୋକବ୍ୟକ୍ତ କରିଛନ୍ତି । ତାଙ୍କ ମୃତ୍ୟୁରେ ହାଇକୋର୍ଟର ଆଇନ୍ଜିବୀ ରାମଚନ୍ଦ୍ର ଜେନା, ପ୍ରତୀକ ସାହୁ, ମଳ ଲୋଚନ ପରିଡା, ନବୀନ କୁମାର ଜେନା, ଖଗେନ୍ଦ୍ର ନାଥ ସାହୁ, ନିର୍ମାଳ ଚନ୍ଦ୍ର ଦାସ, ଚନ୍ଦ୍ରକାନ୍ତ ଜେନା ପ୍ରମୁଖ ଶୋକ ବ୍ୟକ୍ତ କରିଛନ୍ତି ।
ରିପୋର୍ଟ : ଭୂପତି କୁମାର ପରିଡା