ଛତ୍ରପୁର(ସମୃଦ୍ଧ ଓଡିଶା) ଛତ୍ରପୁର ନିର୍ବାଚନ ମଣ୍ଡଳୀର ବିଜେଡି ବିଧାୟକ ପ୍ରିୟାଂଶୁ ପ୍ରଧାନଙ୍କୁ ବିଜେଡିରୁ ହଟାଇଲେ ବିଜେଡି ବଞ୍ଚିବ ବୋଲି ନାରା ଦେଇ ପ୍ରିୟାଂଶୁ ଅସନ୍ତୁଷ୍ଠ ବିଜେଡି କର୍ମୀମାନେ ଗଂଜାମ ଏନଏସିରେ ବିରାଟ ଶୋଭାଯାତ୍ରାରେ ସହର ପରିକ୍ରମା କରିଥିଲେ । ବିଜେଡିର ବିଶାଳ ବନ୍ଧୁମିଳନ ଓ ଜନସମ୍ପର୍କ ପଦଯାତ୍ରାର ଶୁଭାରମ୍ଭ ଥିବା ଏକ ବ୍ୟାନର ଲଗାଇ ବିଧାୟକ ପ୍ରିୟନସୁ ପ୍ରଧାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଦାବି କରିଥିଲେ । ଆସନ୍ତା କାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଗସ୍ତକୁ ଭିତ୍ତି କରି ମୁଖ୍ୟମନ୍ତ୍ରୀଙ୍କ ଗୋଚରାର୍ଥେ ଗଂଜାମ ଏନଏସିରେ ଏଭଳି ବିରୋଧାଭାଷ ସୃଷ୍ଟି ହୋଇଥିଲା । ଏସମ୍ପର୍କରେ ଆମ ପ୍ରତିନିଧି ବିଧାୟକ ପ୍ରଧାନଙ୍କୁ ପଚାରିବାରୁ ସେ କହିଥିଲେ ଆପଣ ତ ଜାଣିଥିବେ ଛତ୍ରପୁର କିପରି ଥିଲା ? ବର୍ତ୍ତମାନ ଚିତ୍ର କିପରି ଅଛି ? ଆଗାମୀ ନିର୍ବାଚନ ବେଳେ ମୋପ୍ରତି କେତେ ଲୋକପ୍ରିୟତା ଅଛି ସ୍ପଷ୍ଟ ପ୍ରମାଣିତ ହୋଇଯିବ ବୋଲି ସେ କହିଥିଲେ ।
ରିପୋର୍ଟ:ନିମାଇଁ ଚରଣ ପଣ୍ଡା