ଜଗନ୍ନାଥ ପ୍ରସାଦ (ସମୃଦ୍ଧ ଓଡିଶା) ଗଞ୍ଜାମ ଜିଲ୍ଲା ଜଗନ୍ନାଥ ପ୍ରସାଦ ଥାନା ଅନ୍ତର୍ଗତ ସିସୁଣ୍ଡା ଗ୍ରାମରେ ବଜ୍ରପାତ ଘଟି ବିଷ୍ଣୁପ୍ରିୟା ରାଉତ (୫୦) ନାମକ ଜଣେ ମହିଳା ମୃତ୍ୟୁ ବରଣ କରିଛନ୍ତି । ମିଳିଥିବା ସୂଚନା ମୁତାବକ ଆଜି ଅପରାହ୍ନ ୪ଟା ସମୟରେ ସେ ନିଜ ବିଲରେ କାମ କରୁଥିବା ବେଳେ ହଠାତ ବର୍ଷା ପବନ ସହ ବଜ୍ରପାତ ଘଟିବାରୁ ସେ ଘଟଣା ସ୍ଥଳରେ ଗୁରୁତର ଅବସ୍ଥାରେ ଟଳି ପଡିଥିଲେ । ଘଟଣା ସ୍ଥଳରେ ଜଗନ୍ନାଥ ପ୍ରଶାଦ ଅଗ୍ନିଶମ ବାହିନୀ ପହଞ୍ଚି ବିଷ୍ଣୁପ୍ରିୟାଙ୍କୁ ଉଦ୍ଧାର କରି ସ୍ତାନୀୟ ମେଡିକାଲରେ ଭର୍ତ୍ତି କରାଇଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ଖବର ପାଇ ପୋଲିସ ପହଞ୍ଚି ମୃତ ଦେହ ଜବତ କରିବା ସହ ବ୍ୟବଚ୍ଛେଦ ନିମନ୍ତେ ପଠାଇଥିବା ସୂଚନା ମିଳିଛି ।
ରିପୋର୍ଟ : ନିଲୁ ବିଷୋୟୀ
