ଦିଗପହଣ୍ଡି (ସମୃଦ୍ଧ ଓଡିଶା) ଦିଗପହଣ୍ଡି ଥାନା ଅନ୍ତର୍ଗତ ଖମ୍ବାରି ଗାଁ ପଞ୍ଚାୟତ ଶଙ୍କରଖାଳି ଗ୍ରାମରେ ଶନିବାର ଅପରାହ୍ନ ୩ ଘଣ୍ଟା ସମୟରେ ବଜ୍ରପାତ ଘଟି ଜଣେ ମହିଳାଙ୍କ ମୃତ ଘଟିଛି । ମୃତ ମହିଳା ଜଣଙ୍କ ହେଲେ ଶଙ୍କରଖାଳି ଗ୍ରାମର ସୁଷମା ନାଇକ (ଜଟି) ୩୫ ବୋଲି ଜଣାପଡିଛି । ଖବର ପ୍ରକାରେ, ମୃତ ମହିଳା ଜଣଙ୍କ ପରିଶ୍ରା କରିବା ପାଇଁ ନିଜ ବାରିପଟେ ଯାଇଥିଲେ । ହଠାତ୍ ପ୍ରବଳ ବର୍ଷା ସଙ୍ଗେ ଘଡଘଡି ଓ ବିଜୁଳି ମାରିଥିଲା । ବଜ୍ରପାତର ତିବ୍ରତା ଏତେ ଥିଲା ଯେ, ମହିଳାଙ୍କ ଶରୀର ଜଳି ଯାଇଥିବା ଜଣାପଡିଛି । ଘଟଣାସ୍ଥଳରୁ ଗ୍ରାମବାସୀମାନଙ୍କ ଦ୍ଵାରା ଉଦ୍ଧାର କରାଯାଇ ୧୦୮ ଆମ୍ବୁଲାନ୍ସ ଯୋଗେ ଦିଗପହଣ୍ଡି ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ମହିଳା ଜଣଙ୍କୁ ମୃତ ଘୋଷିତ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା