ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱରର ବରିଷ୍ଠ ନାଗରିକ ସୁରକ୍ଷା ମଞ୍ଚ ପକ୍ଷରୁ ଆଜି ରେଳ ମନ୍ତ୍ରୀଙ୍କ ଉଦ୍ଦେଶ୍ୟରେ ସ୍ଥାନୀୟ ଜନସାଧାରଣଙ୍କ ବିଭିନ୍ନ ସମସ୍ୟା ସମ୍ପର୍କରେ ଏକ ସ୍ମାରକପତ୍ର ଷ୍ଟେସନ ମ୍ୟାନେଜର ଖଗେନ୍ଦ୍ର ନାଥ ମଣ୍ଡଳକୁ ଦେଇଥିବା ଜଣାଯାଇଛି । ଅତିଶୀଘ୍ର ଖଡଗପୁର-ଭଦ୍ରକ ମଧ୍ୟରେ ସମସ୍ତ ପାସେଞ୍ଜର ଟ୍ରେନ ଚଳାଚଳ କରିବାକୁ ସେମାନେ ଦାବି କରିଛନ୍ତି । ଏହି ରେଳଷ୍ଟେସନ ଦେଇ ଜଳେଶ୍ୱର , ଗୋଭରାଇ, ମୟୂରଭଂଜ, ମେଦିନୀପୁର ଜିଲାର କେତେକ ଲୋକେ ଯାତାୟାତ କରିଥାନ୍ତି । ସେମ।।ନେ ବହୁଅସୁବିଧାର ସମ୍ମୁଖୀନ ହେଉଛନ୍ତି । ଗ୍ରାମାଂଚଳର ଲୋକେ ରେଳବାଇ ଉପରେ ନିର୍ଭର କରୁଥିବାରୁ ଜଳେଶ୍ୱର ରେଳ ଷ୍ଟେସନର ସମସ୍ତ ରେଳ ଟିକଟ ପ୍ରଦାନ କରାଯିବାଲାଗି ଦାବି କରିଛନ୍ତି । ସ୍ୱତନ୍ତ୍ର ଟ୍ରେନ ଚଳାଚଳ ନାମରେ ଅଧିକ ଯାତ୍ରୀଭଡା ସଂପୂର୍ଣ୍ଣ ଅସହ୍ୟ ହେଲାଣି । ୧୮୪୭୮ ଓ ୧୮୪୭୭ କଳିଙ୍ଗ ଉତ୍କଳ ଏକ୍ସପ୍ରେସଟି ଜଳେଶ୍ୱରରେ ଅଟକୁ ନଥିବାରୁ ଜନସାଧାରଣ ବହୁ ହଇରାଣ, ହରକତ ହେଉଛନ୍ତି । ପୂର୍ବ ନିର୍ଦ୍ଧାରିତ ସମୟରେ ଟ୍ରେନ୍ଗୁଡିକ ଚଳାଚଳ କରିବାକୁ ଦାବି ହୋଇଛି । ବରିଷ୍ଠ ନାଗରିକଙ୍କ ଲାଗି ଏକ ରେଳ କାଉଣ୍ଟର ଖୋଲିବାକୁ ଦାବି କରିଛନ୍ତି । ଏ ସବୁ ଦାବି ପରୂଣ ନ ହେଲେ ଆସନ୍ତା ୮ ତାରିଖରେ ସଂଗଠନ ପକ୍ଷରୁ ଧରଣା ଦିଆଯିବା ସଂପରେ ସଭାପତି ଡ. ରମାକାନ୍ତ ଭଂଜ ଓ ସମ୍ପାଦକ ଲଳିତ ରଂଜନ ସେନାପତି ଜଣାଇଛନ୍ତି । ଏ ସମ୍ପର୍କରେ ସାଂସଦ, ବିଧାୟକ, ଜିଲାପ।।ଳ ଓ ରେଳବାଇ ମ୍ୟାନେଜର, ଡିଆର୍ଏମ୍ଙ୍କ ଦୃଷ୍ଟି ଆକର୍ଷଣ କରିଛନ୍ତି ।
ରିପୋର୍ଟ : ଭୂପତି ପରିଡା
