ଜଳେଶ୍ୱର (ସମୃଦ୍ଧ ଓଡିଶା) ଉତ୍ତର ବାଲେଶ୍ୱର ସର୍ବପୁରାତନ ବାଗୀଶ୍ୱରୀ ସଂସ୍କୃତ ମହାବିଦ୍ୟାଳୟରେ ଛାତ୍ରୀ ଆତ୍ମରକ୍ଷା କୌଶଳ ଉଦ୍ଘାଟିତ ହୋଇଯାଇଛି । ମହାବିଦ୍ୟାଳର ଅଧ୍ୟକ୍ଷ ବିବେକାନନ୍ଦ ସାହୁଙ୍କ ପୌରହିତ୍ୱରେ ଅନୁଷ୍ଠିତ ସଭାରେ ସୁଜାତାରାଣୀ ଦାସ ସ୍ୱାଗତ ଅଭିଭାଷଣ ରଖିଥିବା ବେଳେ କାଳୀକିଂକର ଧର ସମ୍ମାନିୀତ ଅତିଥି ଓ କାର୍ତ୍ତିକେଶ୍ୱର ପାତ୍ର ମୁଖ୍ୟ ବକ୍ତା ଭାବେ ଯୋଗଦେଇ ଶାରୀରିକ ଶିକ୍ଷା ବିନା ମାନସିକ ଉନ୍ନତି ଅସମ୍ଭବ ବୋଲି କହିଥିଲେ । ପ୍ରତିରକ୍ଷା ଶିବିରର କାର୍ଯ୍ୟନିର୍ବାହୀ ଅଧିକାରୀ ସମର ବଲ୍ଲଭ ସାହୁ ପ୍ରଶିକ୍ଷଣ ସଂପର୍କରେ ମତବ୍ୟକ୍ତ କରିଥିଲେ । ପରେ ପରେ ଭୁବନେଶ୍ୱର କରାଟେ ବିଦ୍ୟାଳୟର ପ୍ରଶିକ୍ଷଣ ପାଇଥିବା ଛାତ୍ରୀ ଭବନାୀ ମୁର୍ମୁ, ବୈଶାଖୀ ଦାସ ପ୍ରଶିକ୍ଷିକାଭାବେ ଯୋଗ ଦେଇ ବକ୍ତବ୍ୟ ପ୍ରଦାନ କରିଥିଲେ ।
ରିପୋର୍ଟ : ଭୂପତି କୁମାର ପରିଡା