ଛତ୍ରପୁର (ସମୃଦ୍ଧ ଓଡିଶା) ଗୋପାଳପୁର ବନ୍ଦର ଗୋଷ୍ଠୀ ଗତ ସାମାଜିକ ଦାୟିତ୍ୱ କାର୍ଯ୍ୟକ୍ରମ ଆନୁକୂଲ୍ୟରେ ଛତ୍ରପୁର ବ୍ଳକ କଣମଣା ପଞ୍ଚାୟତର ବାଟଛତ୍ରପୁର ଗାଁର ଶ୍ମଶାନ ପାଚେରୀ ନିର୍ମାଣ କାର୍ଯ୍ୟ ଆରମ୍ଭ ହୋଇଯାଇଛି । ଆଜି ଏହାର ଭୂମିପୂଜା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏଥିରେ କଣମଣା ପଞ୍ଚାୟତ ସରପଞ୍ଚ ଏସ୍ .ଚକ୍ରପାଣୀ ରେଡି, ସମିତି ସଭ୍ୟ ରଶ୍ମିତା ବେହେରା, ପୂର୍ବତନ ସରପଞ୍ଚ ଟି. କ୍ରିଷ୍ଣା ରେଡି, ଗ୍ରାମ କମିଟି ସଭାପତି କାମରାଜୁ ରେଡି, ଭାଗିରଥି ବେହେରା, ଗୋପାଳପୁର ବନ୍ଦରର ଅଧିକାରୀମାନେ ଉପସ୍ଥିତ ରହିଥିଲେ । ଏହି ଅବସରରେ ଗୋପାଳପୁର ବନ୍ଦରର ସିଏସଆର ସ୍ଥାନୀୟ ଅଞ୍ଚଳରେ ବିଭିନ୍ନ ସାମାଜିକ କଲ୍ୟାଣ କାର୍ଯ୍ୟକ୍ରମ କରି ଆସୁଛନ୍ତି ବୋଲି କୁହାଯାଇଛି ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
