ଜଳେଶ୍ୱର (ସମୃଦ୍ଧ ଓଡିଶା) ସୁବର୍ଣ୍ଣରେଖା ନଦୀର ବିଳାସପୁର, ମାକିଡିଆ, କୁଅଁରପୁର, ବେହେରାସାହି, ଦକ୍ଷିଣ ପ୍ରହରାଜପୁର, ମକରମପୁର, ପ୍ରହରାଜପୁର, ଗୋବରଘଟ୍ଟା, ପଂଚୁଘଣ୍ଟା, ମହମ୍ମଦନଗରପାଟଣା, ସେଖସରାଇ, ଚାଲନ୍ତି, ବେଣାପେୁରା, କଣ୍ଟାପାଳ ଇତ୍ୟାଦିସ୍ଥାନରେ ଗତ ୫ବର୍ଷ ଧରି ଲିଜଧାରୀମାନେ ବାଲି ଉତ୍ତୋଳନ କରିଆସୁଛନ୍ତି । ନିଲାମଧାରୀ ଧାର୍ଯ୍ୟ ପରିମାଣ ଠାରୁ ଅଧିକ ବାଲି ଉତ୍ତୋଳନ କରୁଥିବା ଅଭିଯୋଗରେ ଜଳେଶ୍ୱର ତହସିଲଦାର ଜିଲା କର୍ତ୍ତୃପକ୍ଷଙ୍କୁ ଜଣାଇବାରୁ ଏଥିନେଇ ଏକ ଯୁଗ୍ମ କମିଟି ଗଠନ ହୋଇଛି । ବ୍ୟାପକ ବାଲି ଉତ୍ତୋଳନ ହେଉଥିବାରୁ ଏ ସବୁ ଗୁଡିକ ବିରୋଧରେ ପର୍ଯ୍ୟାୟକ୍ରମେ ଅଭିଯୋଗ ଆସିଥିଲା । ଜିଲାପାଳଙ୍କ ନିର୍ଦ୍ଦେଶରେ ଗତ କିଛିଦିନ ଧରି ଜଳେଶ୍ୱର ତହସିଲଦାର ଅଭିମନ୍ୟ ପଣ୍ଡା ଏ ସବୁର ତଦନ୍ତ କରିଥିଲେ । କିନ୍ତୁ ପରେ କେତେକ ତଥ୍ୟ ଜିଲାପାଳ ଜାଣି ଏବଂ ଜଳେଶ୍ୱର ତହସିଲଦାରଙ୍କ ଆବେଦନପରେ ଏକ ଯୁଗ୍ମ କମିଟି ଗଠିତ ହୋଇଛି । ଏଥିରେ ବାଲି ଉତ୍ତୋଳନ ସଂପର୍କରେ ପ୍ରଶିକ୍ଷଣ ପାଇଥିବା ବ୍ୟକ୍ତି ବିଶେଷ, ମାଇନିଂ ଆଇନ୍ର କେତେକ କର୍ମକର୍ତ୍ତା ଓ ଜଳେଶ୍ୱର ତହସିଲଦାରଙ୍କୁ ନେଇ ଏକ ଯୁଗ୍ମ କମିଟି ଗଠିତ ହୋଇଛି । ଗତ କିଛିଦିନ ତଳେ ଜିଲାପାଳ ରମେଶ ଚନ୍ଦ୍ର ରାଉତ, ଉପଜିଲାପାଳ ନିଲୁ ମହାପାତ୍ର ଓ ଅନ୍ୟ ଏକ ଦିନର ଜିଲାପାଳଙ୍କ ନିର୍ଦ୍ଦେଶରେ ଅତିରିକ୍ତ ଜିୀଲାପାଳ ବିଭିନ୍ନ ସୈରାତ ବୁଲି ଅସନ୍ତୋଷ ପ୍ରକାଶ କରିଥିଲେ । ଗଠିତ ଯୁଗ୍ମ କମିଟି ଆଜି ମହମ୍ମଦନଗର ପାଟଣାର କ, ଖ, ଗ, ଘ ୪ଟି ସୈରାତ ବୁଲି ସମୀକ୍ଷା କରିଛନ୍ତି । ବାସ୍ତବରେ ଲିଜ୍ଧାରୀମାନେ କେତେ ପରିମାଣର ବାଲି ନେବେ ତାହା ଧାର୍ଯ୍ୟଥିବା ବେଳେ ୫ବର୍ଷର ଅବଧିରେ ସେମାନେ କେେ;ତ ପରିମାଣରେ ବାଲି ଉତ୍ତୋଳନ କରିଛନ୍ତି ଏହି କମିଟି ସବିଶେଷ ତଥ୍ୟ ହାସଲ କରିଛି । ଆସନ୍ତା ୧ ତାରିଖ ସୁଦ୍ଧା ଯୁଗ୍ମ କମିଟିର ବାଲି ଉତ୍ତୋଳନ ସଂପର୍କୀତ ରିପୋଟ ପ୍ରକାଶ ପାଇବା ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ତହସିଲଦାର ଶ୍ରୀ ପଣ୍ଡା ଗଣମାଧ୍ୟମକୁ ପ୍ରକାଶ କରିଛନ୍ତି ।
ରିପୋର୍ଟ : ଭୂପତି କୁମାର ପରିଡ଼ା