ବ୍ରହ୍ମପୁର (ସମୃଦ୍ଧ ଓଡିଶା) ଗୋପାଳପୁର ସ୍ଥିତ ବାୟୁ ପ୍ରତିରକ୍ଷା କଲେଜର ୩୧ତମ ପ୍ରତିଷ୍ଠା ଦିବସ ଅନୁଷ୍ଠିତ ହୋଇଯାଇଛି । ଏହି ଅବସରରେ ଏହି କଲେଜର ମହା ନିର୍ଦ୍ଦେଶକ ଲେଫ୍ଟନାଣ୍ଟ ଜେନେରାଲ ଏପି ସିଂ (ଅତି ବିଶିଷ୍ଟ ସେବା ମେଡାଲ) ଲେଫ୍ଟନାଣ୍ଟ ଜେନେରାଲ ସତୀନ୍ଦର ସିଂ (ଅତି ବିଶିଷ୍ଟ ସେବାମେଡାଲ)ଙ୍କୁ ବ୍ୟାଟନ ପ୍ରଦାନ କରିଥିଲେ । ଲେଫ୍ଟନାଣ୍ଟ ଜେନେରାଲ ଏପି ସିଂଙ୍କୁ ଅତିରିକ୍ତ ଦାୟିତ୍ୱ ପ୍ରଦାନ କରାଯାଇଥିବାରୁ ଏହି ବାଟାନ ପ୍ରଦାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବାୟୁ ପ୍ରତିରକ୍ଷା କଲେଜର ପ୍ରଶାସନିକ କାର୍ଯ୍ୟକୁ ଉଭୟେ ଅର୍ଦ୍ଧେକ ଲେଖାଏଁ କାର୍ଯ୍ୟ ସମ୍ପାଦନ କରିବେ । ଏହି ଅବସରରେ ପ୍ରତିରକ୍ଷା କଲେଜ ପରିସରରେ ଥିବା ଯୁଦ୍ଧ ସ୍ମାରକୀରେ ପୁଷ୍ପମାଲ୍ୟ ପ୍ରଦାନ କରାଯାଇଥିଲା । ସେଠାରେ ସୈନିକ ମାନଙ୍କର ସ୍ୱତନ୍ତ୍ର ସମେଳନ ଆୟୋଜିତ ହୋଇଥିଲା । ଉଭୟ ବରିଷ୍ଠ ଅଧିକାରୀ ସୈନିକ ମାନଙ୍କ ସହିତ ଆଳାପ ଆଲୋଚନା କରିବା ସହିତ ସେମାନଙ୍କର ସୁବିଧା ଅସୁବିଧା ପଚାରି ବୁଝିଥିଲେ ବୋଲି ଲୋକ ସମ୍ପର୍କ ଅଧିକାରୀ ବିରଞ୍ଚି ପ୍ରଧାନ ଜଣାଇଛନ୍ତି ।
ରିପୋର୍ଟ : ଦକ୍ଷିଣାଞ୍ଚଳ ବ୍ୟୁରୋ ଚିଫ ନିମାଇଁ ଚରଣ ପଣ୍ଡା