ବ୍ରହ୍ମପୁର (ସମୃଦ୍ଧ ଓଡିଶା) ଅଦ୍ୟ ବିକଳ୍ପ ସାହିତ୍ୟ ପରିଷଦର ମାସିକ ସାହିତ୍ୟ ଆସର ଉତ୍କଳ ଆଶ୍ରମ ରୋଡ ସ୍ଥିତ ମା ସରସ୍ୱତୀ ଶିଶୁ ମନ୍ଦିର ଠାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ପଚାଶରୁ ଉର୍ଦ୍ଧ୍ୱ କଵି ଓ କବୟିତ୍ରୀ ଯୋଗଦେଇ ନିଜ ନିଜର ସ୍ୱରଚିତ କବିତା, ଗଳ୍ପ ଓ ପ୍ରବନ୍ଧ ମାନ ପାଠ କରିଥିଲେ । ବିକଳ୍ପ ସାହିତ୍ୟ ପରିଷଦର ସ୍ୱତନ୍ତ୍ରତା ରହିଛି । ଏହି କବିତା ଆସରରେ ବହୁ ଶ୍ରୋତା ଯୋଗ ଦେଇଥାନ୍ତି ଓ ଶ୍ରୋତାମାନଙ୍କୁ ମଧ୍ୟ ପରିଷଦ ତରଫରୁ ପ୍ରାଧାନ୍ୟ ଦିଆଯାଇଥାଏ । କାରଣ ଶ୍ରୋତା ବିନା କଵିଙ୍କ ଲେଖା ମୂଲ୍ୟାଙ୍କନ ହୋଇ ନ ଥାଏ । ଆଜିର କବିତା ଆସରରେ ଇଂ ଆଶୁତୋଷ ପାତ୍ର ସଭାପତିତ୍ୱ କରିଥିଲେ । ଏହାସହ ବିଦୁଷୀ ଲୋପା ସାମଲ, ଜୟ ରାମ ମହାରଣା, ମାନସ ଦାସ, ସନ୍ତୋଷ କୁମାର ପାଢ଼ୀ, ଗୌର ଚନ୍ଦ୍ର ଭୂୟାଁ, ମନୋଜ କୁମାର ପାଢ଼ୀ, ଶିଶିର କୁମାର ମହାପାତ୍ର, ସୁରଜିତ କୁମାର ରାଉଳ, ମାଲେଶ୍ଵର ପାତ୍ର, କୈଳାଶ ଚନ୍ଦ୍ର ପାଣିଗ୍ରାହୀ ପ୍ରମୁଖ ଲେଖକ ନିଜ ନିଜ ଲେଖା ମାନ ପାଠ କରିଥବା ବେଳେ ମାନସ ଦାସ ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା