ଛତ୍ରପୁର (ସମୃଦ୍ଧ ଓଡିଶା) ବିଜେଡିର ଛତ୍ରପୁର ବିଧାନସଭା ପ୍ରାର୍ଥି ସୁବାଷ ଚନ୍ଦ୍ର ବେହେରା ଗତକାଲି ତାଙ୍କ ନିର୍ବାଚନୀ ପ୍ରଚାର ଆରମ୍ଭ କରିଛନ୍ତି । ସେ ତାଙ୍କ ଶତାଧିକ ସମର୍ଥକଙ୍କୁ ଧରି ସ୍ଥାନୀୟ ଏକ୍ରାମନଗର ଦଳୀୟ କାର୍ଯ୍ୟାଳୟ ଠାରୁ ଶୁଭ ମୁହୂର୍ତ ବେଳାରେ ନିର୍ବାଚନ ପ୍ରଚାର ନିମନ୍ତେ ବାହାରି ପ୍ରଥମେ ଛତ୍ରପୁର ବ୍ଲକ ପୋଡାପଦର ପଞ୍ଚାୟତର କୁମାର ବେଗପଲ୍ଲୀ, ହୁମର ଓ ପୋଡାପଦର ଗ୍ରାମ ଓ ଅଗସ୍ତିନୂଆଗାଁ ପଞ୍ଚାୟତର ସମସ୍ତ ଗ୍ରାମରେ ନବୀନ ସରକାରଙ୍କ ଜନକଲ୍ୟାଣ କାର୍ଯ୍ୟକ୍ରମ ସଂପର୍କରେ ଜନସାଧାରଣଙ୍କୁ ଅବଗତ କରିବା ସହ ବିଜେଡିକୁ ଭୋଟ ଦେଇ ବହୁ ସଂଖ୍ୟାରେ ଜିତେଇବାକୁ ଲୋକଙ୍କୁ ଅନୁରୋଧ କରିଛନ୍ତି । ଏଥିରେ ଛତ୍ରପୁର ବ୍ଲକ ଅଧ୍ୟକ୍ଷ ଏମ୍.ଧନଞ୍ଜୟ ରେଡ୍ଡି, ପୋଡାପଦର ସରପଞ୍ଚ ପିତାମ୍ବର ପଣ୍ଡା, ଗେଜେନ୍ଦ୍ର ପଲେଇ, ଅଗସ୍ତିନୂଆଗାଁ ସରପଞ୍ଚ ପି.ସିମାଦ୍ରୀ, ସମିତି ସଭ୍ୟା ବାସନ୍ତୀ ଜାନୀ, ପୂର୍ବତନ କାଉନସିଲର ଟି.ଚନ୍ଦ୍ରଶେଖର ରାଓ ଓ କିଶୋର ଚନ୍ଦ୍ର ସେନାପତି, ପୂର୍ବତନ ସାଂସଦ ପ୍ରତିନିଧି ଜି.ପାପା ରାଓ, ଅଭିଭୂଷଣ ସାହୁ, ପୂର୍ବତନ ସମିତି ସଭ୍ୟ ସୁଶାନ୍ତ କୁମାର ସାହୁ ଓ ସାନୁ ସେଠୀଙ୍କ ସମେତ ବହୁ ଦଳୀୟ କର୍ମୀ ପ୍ରଚାର କାର୍ଯ୍ୟକ୍ରମରେ ଅଂଶ ଗ୍ରହଣ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା