ଆସିକା (ସମୃଦ୍ଧ ଓଡିଶା) ବିଜେପିର ହିଞ୍ଜିଳି ପ୍ରାର୍ଥୀ ପିତାମ୍ବର ଆଚାର୍ଯ୍ୟଙ୍କ ନାଁରେ ଆସିକା ଥାନାରେ ମାମଲା ଦାୟର କରିଲା ନିର୍ବାଚନୀ ଫ୍ଲାଇଙ୍ଗ ସ୍କ୍ୱାର୍ଡ । ହିଞ୍ଜିଳି ଗସ୍ତ ସମୟରେ ବିଜେପି ପ୍ରାର୍ଥୀ ପିତାମ୍ବର ଆଚାର୍ଯ୍ୟ ନିର୍ବାଚନ କମିଶନଙ୍କ ଫ୍ଲାଇଙ୍ଗ ସ୍କ୍ୱାର୍ଡଙ୍କୁ ଧମକାଇ ଥିବା ଅଭିଯୋଗ ହୋଇଛି । ଏପରିକି ସେହି ସମୟର ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହେଉଛି । ସୂଚନାଯୋଗ୍ୟ ଯେ, ଗତ ଗୁରୁବାର ଅପରାହ୍ନରେ ଫ୍ଲାଇଂ ସ୍କ୍ୱାର୍ଡ଼ ପକ୍ଷରୁ ଆସିକା-ବ୍ରହ୍ମପୁର ରାସ୍ତାରେ ଯାନବାହାନ ଯାଞ୍ଚ ଚାଲିଥିବା ସମୟରେ ବିଜେପି ପ୍ରାର୍ଥୀ ପିତାମ୍ବର ଆଚାର୍ଯ୍ୟଙ୍କ ଗାଡ଼ିକୁ ପୋଲିସ୍ ଯାଞ୍ଚ ପାଇଁ ଅଟକାଇଥିଲା । ଗାଡ଼ି ଅଟକାଇବାକୁ ନେଇ ଶ୍ରୀ ଆଚାର୍ଯ୍ୟ ରାଗିଯାଇ କର୍ତ୍ତାବ୍ୟରତ ପୋଲିସ୍ ଅଧିକାରୀଙ୍କୁ ଦୁର୍ବ୍ୟବହାର ପ୍ରଦର୍ଶନ କରିଥିବା ନେଇ ଥାନାରେ ଅଭିଯୋଗ ହୋଇଥିବା ସୂଚନା ମିଳିଛି ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା