ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ଗୋପିମୋହନପୁର ଗ୍ରାମ ପଞ୍ଚାୟତ ବିଜୁ ଯୁବ ବାହିନୀ ସମ୍ପାଦକ ମାନସ ରଞ୍ଜନ ଧଳ ବିଭିନ୍ନ ଜନହିତ କାର୍ଯ୍ୟରେ ସଫଳ ହୋଇଥିବାରୁ ତାଙ୍କୁ ବିଦେଶ ଯାତ୍ରା ପାଇଁ ବିଡ଼ିଓ ନିତ୍ୟାନନ୍ଦ ସାହୁଙ୍କ ସୁପାରିଶ ଏବଂ ଜିଲାପାଳ ରମେଶ ଚନ୍ଦ୍ର ରାଉତ ତାଙ୍କୁ ଅନୁମୋଦନ କରିଛନ୍ତି । ସେଥିପାଇଁ ଆଜି ଗୋପୀମୋହନପୁର ଗ୍ରାମ ପଞ୍ଚାୟତ କାର୍ଯ୍ୟାଳୟରେ ଶ୍ରୀ ଧଳଙ୍କୁ ଜିଲାପରିଷଦ ସଭ୍ୟ ଗୌରହରି ଜେନା, ସରପଞ୍ଚ ରବୀନ୍ଦ୍ର ଜେନା, ସମିଟିସଭ୍ୟ ନିର୍ମଳ ଚନ୍ଦ୍ର ରାଜ, ସମସ୍ତ ୱାର୍ଡ ସଭ୍ୟ/ସଭ୍ୟା ଗ୍ରାମ ପଞ୍ଚାୟତ ର ବହୁ ଜନସାଧାରଣ ଓ ବିଜୁ ଯୁବ ବାହିନୀର ସଭ୍ୟମାନେ ପୁଷ୍ପ ଗୋଛ ଏବଂ ଉପଢୌକନ ଦେଇ ସମ୍ବର୍ଦ୍ଧନା ଓ ଶୁଭ ଯାତ୍ରା କାମନା କରିଛନ୍ତି । ତାଙ୍କ ସହ ଅନୁରୂପ ଭାବେ ଗୋବରଘାଟା ଗ୍ରାମ ପଞ୍ଚାୟତ ବିଜୁ ଯୁବ ବାହିନୀର ଚନ୍ଦନ କୁମାର ଗିରି ମଧ୍ୟ ବିଦେଶ ଯାତ୍ରା କରୁଛନ୍ତି । ସେମାନଙ୍କୁ ବହୁ ଗୁଣିବାଣୀ ବ୍ୟକ୍ତି ଯାତ୍ରାର ଶୁଭ କାମନା ଜଣାଇଛନ୍ତି ।
ରିପୋର୍ଟ : ଭୂପତି କୁମାର ପରିଡ଼ା