ଜଳେଶ୍ୱର (ସମୃଦ୍ଧ ଓଡିଶା) ଲଗାତାର ଭାବେ ଆଜକୁ ୩ଦିନ ଧରି ଜଳେଶ୍ୱର ବିଭିନ୍ନ ସହରଠାରୁ ପଲ୍ଲିଯାଏ ବିଭିନ୍ନ ସଂଗଠନ ପକ୍ଷରୁ ଜମ୍ମୁକାଶ୍ମୀର ଫଲୱାମା ଠାରେ ହୋଇଥିବା ଆତଙ୍କବାଦୀଙ୍କ ହମ୍ଲାରେ ସହିଦ୍ ହୋଇଥିବା ବୀର ଯବାନ ମାନଙ୍କ ଉଦ୍ଦେଶ୍ୟରେ କ୍ୟାଣ୍ଡେଲ ଶୋଭାଯାତ୍ରା ଓ ଶ୍ରଦ୍ଧାଞ୍ଜଳୀ ସଭାମାନ ଅନୁଷ୍ଠିତ ହୋଇ ଆସୁଛି । ଆଜି ସଂଧ୍ୟାରେ ଜଳେଶ୍ୱର ବିଜେଡି ସଂଖ୍ୟାଲଘୁ ସେଲ୍ ପକ୍ଷରୁ ବୀର ଶହିଦ୍ ଯବାନମାନଙ୍କ ଉଦ୍ଦେଶ୍ୟରେ ଗ୍ୟାରେଜ ବଜାରଠାରୁ ବଡବଜାର ପର୍ଯ୍ୟନ୍ତ ଶୋଭାଯାତ୍ରାରେ ଯାଇଥିଲେ । ଏଥିରେ ସଭାପତି ମୀର ଆବାସ ଅଲ୍ଲୀ, ଜିଲା ବିଜେଡି ସଂପାଦକ ହାସିରୁଦ୍ଦିନ ବକ୍ସ, ସେକ୍ ଅବଦୁଲ ହାକିମ୍, ସେକ୍ ମିରାଜ ମ୍ମ୍ଦ, ଆମ୍ଜାଦ୍ ଖାଁ, ନସରତ ତୁଲା, ସେକ୍ ଖେପ୍ପା ପ୍ରମୁଖ ପରିଚାଳନା କରିଥିଲେ । ସେହିପରି ଅଗ୍ରୱାଲା ଛକ ଠାରେ ଗୋବରଘଟ୍ଟା ଓ ଲକ୍ଷ୍ମଣନାଥ ପଂଚାୟତର ପକ୍ଷରୁ ଏକ ସର୍ବଦଳୀୟ କ୍ୟାଣ୍ଡେଲ ଶୋଭାଯାତ୍ରା ଅନୁଷ୍ଠିତ ହୋଇ ଯାଇଛି । ସୀମାନ୍ତ ପ୍ରାଥମକି ସ୍ୱାସ୍ଥ୍ୟ କେନ୍ଦ୍ର ଠାରୁ ଏହି ଶୋଭାଯାତ୍ରା ବାହାରି ଅଗ୍ରୱାଲା ଛକଠାରେ ହଜାର ହଜାର ଆବାଳ ବୃଦ୍ଧବନୀତା ଏକତ୍ରୀତ ହୋଇ ସହୀଦଙ୍କ ଉଦ୍ଦେଶ୍ୟରେ ଶ୍ରଦ୍ଧାଞ୍ଜଳି ଜ୍ଞାପନ କରିଥିଲେ । ଓଲମରା ପଂଚାୟତର ଶହ ଶହ ଆବାଳ ବୃଦ୍ଧବନିତା କ୍ୟାଣ୍ଡେଲ ଶୋଭାଯାତ୍ରାରେ ରାଜନଗର, ଗୋପାଳପୁର, ବ୍ରହ୍ମାପୁର, ମଂଗଳପୁର ଇତ୍ୟାଦି ଗ୍ରାମ ପରିକ୍ରମା କରି ଓଲମରାର ଜଗନ୍ନାଥ ମନ୍ଦିର ପ୍ରାଙ୍ଗଣରେ ୪୨ଜଣ ଶହିଦ୍ଙ୍କ ଫଟୋରେ ମାଲ୍ୟାର୍ପଣ କରାଯାଇଥିଲା । ସରପଂଚ ଯତିନ୍ଦ୍ରନାଥ ମହାନ୍ତି, ପୂର୍ବତନ ପ୍ରଶାସନିକ ଅଧିକାରୀ ଅଜିତ୍ କୁମାର ଅତା, ଗୌର ଚନ୍ଦ୍ର ଦାସ, ଜାଇଳାପରିଷଦ ସଦସ୍ୟା ମାନିନୀ ପ୍ରମାଣିକ, ରାସବିହାରୀ ରଣା, ବ୍ରିଜେସ ରଣା ପ୍ରମୁଖଙ୍କ ନେତୃତ୍ୱରେ ଉକ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ସେହିପରି ରାଜପୁର ପଂଚାୟତରେ ଯୁବନେତା ଶିଦ୍ଧାର୍ଥ ଶଂକର ପାଳ, ମଧୁସୂଦନ ପାଳ ପ୍ରମୁଖ ନେତୃତ୍ୱରେ ବହୁ ଯୁବକ କ୍ୟାଣ୍ଡେଲ ଶୋଭାଯାତ୍ରାରେ ଜଳେଶ୍ୱର ସହର ପରିକ୍ରମା କରିଥିଲେ ।
ରିପୋର୍ଟ : ଭୂପତି କୁମାର ପରିଡା
