ଭଞ୍ଜନଗର (ସମୃଦ୍ଧ ଓଡିଶା) ଆଜି ପ୍ରାତଃ ଘ ୪.୧୫ ମିନିଟ୍ ସମୟରେ ଭଞ୍ଜନଗରର ବିଶିଷ୍ଟ ଓକିଲ, ସଙ୍ଘଠକ ସମାଜସେବୀ, କଂଗ୍ରେସ ଦଳର ଟାଣୁଆ ନେତା ତଥା ପୂର୍ବତନ ରାଜ୍ୟ ଯୁବ କଂଗ୍ରେସ ସାଧାରଣ ସମ୍ପାଦକ, ଭଂଜନଗର ପଞ୍ଚାୟତ ସମିତି କଂଗ୍ରେସ କମିଟି ସଭାପତି, ଗଞ୍ଜାମ ଜିଲ୍ଲା କଂଗ୍ରେସ କମିଟିର ସାଧାରଣ ସମ୍ପାଦକ, ପ୍ରଦେଶ କଂଗ୍ରେସ କମିଟି ସଭ୍ୟ ଏବଂ ଓଡ଼ିଶାର ପୂର୍ବତନ ବାଚସ୍ପତି ସୋମନାଥ ରଥଙ୍କ କନିଷ୍ଠ ପୁତ୍ର ନୃସିଂହ କୁମାର ରଥଙ୍କ ଭଂଜନଗର ସ୍ଥିତ ନିଜ ବାସଭବନରେ ୬୧ ବର୍ଷ ବୟସରେ ପରଲୋକ ହୋଇଯାଇଛି । ତାଙ୍କରି ବିୟୋଗରେ ଘୁମୁସର ମାଟି ଜଣେ ନିଷ୍ଠାପର, କର୍ତ୍ତବ୍ୟ ପରାୟଣ ନେତାଙ୍କୁ ହରାଇବା ସହ ଭଞ୍ଜନଗର କଂଗ୍ରେସରେ ଏକ ବିରାଟ ଶୂନ୍ୟ ସ୍ଥାନ ସୃଷ୍ଟି ହୋଇଛି । ଏପରି ସମୟରେ ଭଞ୍ଜନଗର ନିର୍ବାଚନ ମଣ୍ଡଳୀ ର ଯୁବ କଂଗ୍ରେସ ନେତା ପ୍ରଶାନ୍ତ କୁମାର ବିଷୋୟୀ ଓ ପ୍ରଦେଶ କଂଗ୍ରେସ କୋର କମିଟି ସଭ୍ୟ ଦେବୀ ବିଷୋୟୀ ତାଙ୍କୁ ଶେଷ ଦର୍ଶନ କରିବା ସହିତ ତାଙ୍କ ପରିବାର ବର୍ଗଙ୍କୁ ଧଯ୍ୟ ଓ ସମବେଦନା ଜଣାଇଛନ୍ତି । ତାଙ୍କରି ମୃତ୍ୟୁରେ ଭଞ୍ଜନଗର ଓକିଲ ସଂଘ ପକ୍ଷରୁ ଗଭୀର ଶୋକ ପ୍ରକାଶ କରାଯିବା ସହ ତାଙ୍କ ଆତ୍ମାର ସଦଗତି କାମନା କରାଯାଇଛି ।
ରିପୋର୍ଟ ; ନିଲୁ ବିଷୋୟୀ