ବ୍ରହ୍ମପୁର(ସମୃଦ୍ଧଓଡିଶା)ସ୍ଥାନୀୟ ଲାଞ୍ଜିପଲ୍ଲି ରାଜ ପଥ ପାର୍ଶ୍ଵସ୍ଥ ଅକ୍ସଫୋର୍ଡ ପବ୍ଲିକ ସ୍କୁଲ ର ନବ ନିର୍ମିତ ପ୍ରାର୍ଥନା ମଣ୍ଡପ ଉଦ୍ଘାଟିତ ହୋଇଯାଇଛି । ଅନୁଷ୍ଠାନ ର ନିର୍ଦ୍ଦେଶକ ଇଂ . ଅଶୋକ କୁମାର ପାଳ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ସଭାରେ ବ୍ରହ୍ମପୁର ସାଂସଦ ଶ୍ରୀ ଚନ୍ଦ୍ରଶେଖର ସାହୁ ମୁଖ୍ୟ ଅତିଥି ଭାବେ ଯୋଗ ଦେଇ ଅନୁଷ୍ଠାନ ର ଭୂୟସୀ ପ୍ରଶଂସା ପୂର୍ବକ ପ୍ରାର୍ଥନା ମଣ୍ଡପ କୁ ଉଦ୍ଘାଟନ କରି ନୂତନ ଭାବେ ଯୋଗ ଦେଇଥିବା ଏକାଦଶ ଶ୍ରେଣୀର ଛାତ୍ର ଛାତ୍ରୀଙ୍କୁ ଆଶୀର୍ବାଦ ପ୍ରଦାନ କରିଥିଲେ ।ସମ୍ମାନିତ ଅତିଥି ଭାବେ ଯୋଗଦେଇ ଶ୍ରୀ ବିପ୍ରଚରଣ ପାତ୍ର ଛାତ୍ର ଜୀବନରେ ଆଧ୍ୟାତ୍ମିକତା ର ଆବଶ୍ୟକତା ଓ ଛାତ୍ର ଜୀବନ ରେ ପ୍ରାର୍ଥନା ମଣ୍ଡପ ର ଭୂମିକା ସଂପର୍କ ରେ ବକ୍ତବ୍ୟ ପ୍ରଦାନ କରିଥିଲ ।ଅନ୍ୟ ଏକ ସମ୍ମାନିତ ଅତିଥି ଭାବେ ଯୋଗଦେଇ ଉଚ୍ଚତମ ନ୍ୟାୟାଳୟ ର ଅଧିବକ୍ତା ଶ୍ରୀ କେଦାରନାଥ ତ୍ରିପାଠୀ ଛାତ୍ର ଜୀବନ ରେ ଭଗବତ ବିଶ୍ୱାସ ଓ ଏହାର ମହତ୍ତ୍ଵ ସମ୍ପର୍କେ ଆଲୋଚନା କରି ଥିଲା ବେଳେ ନିର୍ଦେଶକ ଶ୍ରୀ ପାଳ କାର୍ଯ୍ୟକ୍ରମ ର ଉଦେଶ୍ୟ ଜ୍ଞାପନ ପୂର୍ବକ ଅତିଥି ପରିଚୟ କରିଥିଲେ । ଭାରତୀୟ ଶିକ୍ଷା ଓ ସଂସ୍କାର ପଦ୍ଧତି ଅବଲମ୍ବନ ରେ ପରିଚାଳିତ ଏକ ମାତ୍ର ଇଂରାଜୀ ମାଧ୍ୟମ ବିଦ୍ୟାଳୟ ରେ ପ୍ରାର୍ଥନା ମଣ୍ଡପ ଉଦଘାଟନ ସହ ସରସ୍ଵତୀ, ଓଁ, ଭାରତମାତା ମୂର୍ତ୍ତି ସ୍ଥାପନ କରାଯାଇଥିଲା । ଏହି କାର୍ଯ୍ୟକ୍ରମ ସହ ନୂତନ ଭାବେ ଯୋଗ ଦେଇଥିବା ଏକାଦଶ ଶ୍ରେଣୀ ର ଛାତ୍ର ଛାତ୍ରୀଙ୍କୁ ସ୍ବାଗତ କରାଯାଇଥିଲା ।ଉକ୍ତ କାର୍ଯ୍ୟକ୍ରମକୁ ରମାକାନ୍ତ ରଥ ରବି ସାହୁକାର ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ପ୍ରଶାନ୍ତ ମାଥାନ ସହ ସମସ୍ତ ଶିକ୍ଷକ ଶିକ୍ଷୟିତ୍ରୀ ସମେତ ଚିନ୍ମୟ ଓ ପ୍ରଶାନ୍ତ ପରିଚାଳନା କରିଥିଲେ । [ବ୍ରହ୍ମପୁର ରୁ ନିମାଇ ଚରଣ ପଣ୍ଡା ଙ୍କ ରିପୋର୍ଟ]