ଛତ୍ରପୁର (ସମୃଦ୍ଧ ଓଡିଶା) ବ୍ରହ୍ମପୁର ଟାଟା ମେଡିକାଲ ପ୍ରକଳ୍ପ କାର୍ଯ୍ୟାଳୟ ପକ୍ଷରୁ ବନ ମହୋତ୍ସବ ସପ୍ତାହ ପାଳନ କରାଯାଇଛି । ଏହି ପାଳନ ଅବସରରେ କାର୍ଯ୍ୟାଳୟ ପାଖ ରାସ୍ତାକଡରେ ବୃକ୍ଷରୋପଣ କରାଯାଇ ଯାତାୟତ କରୁଥିବା ଲୋକଙ୍କୁ ସଚେତନ କରାଯାଇଥିଲା । ମେଡିକାଲ ଭ୍ରାମ୍ୟମାଣ ସ୍ୱାସ୍ଥ୍ୟ ସେବା ମୁଖ୍ୟ ଡା.ନିର୍ମଳ ଚନ୍ଦ୍ର ମହାନ୍ତି, ଡା.ଇ.ପି. ରାଓ, ଡା.ମଧୁସୁଦନ ପଣ୍ଡା, ଡା.ସୋମ୍ୟ ରଞ୍ଜନ ଜେନା, ଡା.ଏସ୍.ଆର୍.ପଣ୍ଡା ପ୍ରମୁଖ ଯୋଗଦେଇ ବୃକ୍ଷରୋପଣ କରିଥିଲେ । ଏହି କାର୍ଯ୍ୟକ୍ରମରେ ସଂସ୍ଥା ମ୍ୟାନେଜର ଅରୁଣ ଶତପଥୀଙ୍କ ସମେତ ମେଡିକାଲ କର୍ମଚାରୀଗଣ ପରିଚାଳନାରେ ସହଯୋଗ କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା
