ବ୍ରହ୍ମପୁର (ସମୃଦ୍ଧ ଓଡିଶା) ବ୍ରହ୍ମପୁର ମହାନଗର ନିଗମ ପକ୍ଷରୁ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବିଶେଷ କରି ସ୍ଥାନୀୟ ସହର ସ୍ଥିତ ୱାର୍ଡ ନଂ ୧୨, ୧୪ରେ ବୃକ୍ଷରୋପଣ କରାଯାଇଛି । ଏହି କାର୍ଯ୍ୟକ୍ରମରେ ମହାନଗର ନିଗମ କମିଶନର ବଳିରାମ ବନ୍ଦୋର ମୁଖ୍ୟ ଅତିଥି ଭାବେ ଯୋଗ ଦେଇ ବୃକ୍ଷ ରୋପଣ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ଅନ୍ୟମାନଙ୍କ ମଧ୍ୟରେ ଡେପୁଟି କମିଶନର ରୋମାଞ୍ଚଳ ଖମାରୀ, ଅନ୍ୟତମ ଡେପୁଟି କମିଶନର ଆଶୁତୋଷ ସାମଲ, ଏକ୍ଜିକ୍ଯୁଟିଭ ଇଞ୍ଜିନିୟରି ସୀମାଞ୍ଚଳ ଷଡଙ୍ଗୀ, ସହ ସହକାରୀ ଯନ୍ତ୍ରୀ ରଞ୍ଜିତ ପଣ୍ଡା, ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀମତୀ ଗୀତାଞ୍ଜଳୀ ସାମନ୍ତରାୟ, କନିଷ୍ଠ ଯନ୍ତ୍ରୀ ଶୁଭଶ୍ରୀ ସାହୁ ପ୍ରମୁଖ ଉପସ୍ଥିତ ରହିଥିଲେ । ଏହାସହ ଅଞ୍ଚଳବାସୀ ଦୁର୍ଗା ପ୍ରସାଦ ପଣ୍ଡା ଅଧ୍ୟକ୍ଷତାରେ ସମସ୍ତ ଅଞ୍ଚଳବାସୀ ମାନେ ଉପସ୍ଥିତ ରହି କାର୍ଯ୍ୟକ୍ରମକୁ ସାଫଲ୍ୟ କରିଥିଲେ । ୧୨, ୧୪ ୱାର୍ଡ ବାସୀଙ୍କୁ ମହାନଗର ନିଗମ କମିଶନର ବନ୍ଦୋର ବୃକ୍ଷର ଯତ୍ନ ନେଇ ଏହାକୁ ବଡ କରିବା ଅଞ୍ଚଳବାସୀଙ୍କ ଦାଇତ୍ୱ ବୋଲି ମତବ୍ୟକ୍ତ କରିବା ସହ ବିଭିନ୍ନ ୱାର୍ଡରେ ବୃକ୍ଷ ରୋପଣ କାର୍ଯ୍ୟକ୍ରମ କରାଯିବ ବୋଲି ଜାଣିଥିଲେ ।
ରିପୋର୍ଟ : ଜିଲ୍ଲା ପ୍ରତିନିଧି ନିମାଇଁ ଚରଣ ପଣ୍ଡା
