ନ ଚ ମାଂ ତାନି କର୍ମାଣୀ ନିବନ୍ଧନ୍ତି ଧନଞ୍ଜୟ |
ଉଦାସୀନବାଦାସୀନମସକ୍ତଂ ତେଷୁ କର୍ମସୁ ||
ଅର୍ଥ: ହେ ଅର୍ଜୁନ ! କର୍ମ ମୋତେ ବାନ୍ଧେ ନାହିଁ, କାରଣ ମୁଁ ସେହି କର୍ମରେ ଅନାସକ୍ତ |
ବ୍ୟାଖ୍ୟା: ଆମେ ଯେଉଁ କର୍ମ ଶରୀର କିମ୍ବା ମନରେ କରୁ ଆମେ ତାହାର ଫଳ ତୁରନ୍ତ ଭୋଗ କରୁ କିମ୍ବା ସେହି ସମସ୍ତ ଫଳ ଆମ ଚିତ୍ତରେ ଏକାଠି ହୋଇଯାଏ | ଏହି ପ୍ରକାର କର୍ମ ନିଜ ଫଳ କାରଣରୁ ଆମକୁ ବାନ୍ଧି ଦେଇଥାଏ |
ଆମେ କେଉଁ ପ୍ରକାର କର୍ମ କଲେ ତାହା ଆମକୁ ନିଜ ଫଳ ଦ୍ୱାରା ବାନ୍ଧି ପାରିବ ନାହିଁ ତାହାର ଉପାୟ ଭଗବାନ ବତାଇଛନ୍ତି | ଏଥିପାଇଁ କର୍ମ କରିବା ସମୟରେ କର୍ମ ଓ ତାହାର ଫଳ ପାଇଁ ଆମ ମନରେ ଆସକ୍ତି ରହିବା ଉଚିତ ନୁହେଁ |
ଏହା ସହ ଆମର ଭାବ ମଧ୍ୟ ଉଦାସୀନ ହେବା ଉଚିତ ଅର୍ଥାତ କର୍ମ କରିବାର ଅହଂକାର ରହିବା ଉଚିତ ନୁହେଁ | ଏହାଦ୍ୱାରା କୌଣସି କର୍ମ ଆମକୁ ତାହାର ଫଳରେ ବାନ୍ଧି ପାରିବ ନାହିଁ | ସେହିଭଳି ଯେତେବେଳେ ଆମେ ଆତ୍ମ ଭାବରେ ସ୍ଥିତ ହୋଇଥାଉ, ସେତେବେଳେ ଆମ ଦ୍ୱାରା କରାଯାଉଥିବା ସମସ୍ତ କର୍ମ ନିଷ୍କାମ ହୋଇଯାଇଥାଏ ଏବଂ ଆମେ ସେହି କର୍ମ ବନ୍ଧନରେ ପଡି ନଥାଉ |
