ଦିଗପହଣ୍ଡି (ସମୃଦ୍ଧ ଓଡିଶା) ଗତକାଲି ସାନଖେମୁଣ୍ଡି ନିର୍ବାଚନ ମଣ୍ଡଳୀର ଦ୍ଵିତୀୟ ପର୍ଯ୍ୟାୟ ନିର୍ବାଚନ ଲାଗି ମତଦାନ କରିବାକୁ ଭୋଟ ଗ୍ରହଣ କେନ୍ଦ୍ରକୁ ଯାଇଥିବା ଜଣେ ବୃଦ୍ଧ ଭୋଟରଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ମୃତକ ହେଲେ କଂସମାରି ଗ୍ରାମର ନଟବର ବେହେରା (୯୪) । ଗତକାଲି ସକାଳେ ଗ୍ରାମର ୧୮୪ନଂ ବୁଥରେ ଦ୍ଵିତୀୟ ପର୍ଯ୍ୟାୟ ନିର୍ବାଚନ ପାଇଁ ନଟବର ଭୋଟ ଦେବାକୁ ଯାଇଥିଲେ । ସେଠାରେ ଧାଡିରେ ଠିଆ ହୋଇ ରହିଥିବା ବେଳେ ହଠାତ ତଳେ ପଡିଯାଇଥିଲେ । ତାଙ୍କୁ ସଜ୍ଞାହୀନ ଅବସ୍ଥାରେ ପରିବାରବର୍ଗ ଦିଗପହଣ୍ଡି ମେଡ଼ିକାଲକୁ ଆଣିଥିଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
ରିପୋର୍ଟ : ଜିଲ୍ଲା ସ୍ୱତନ୍ତ୍ର ପ୍ରତିନିଧି ନିମାଇଁ ଚରଣ ପଣ୍ଡା