ଜଳେଶ୍ୱର (ସମୃଦ୍ଧ ଓଡିଶା) ଜଳେଶ୍ୱର ବ୍ଲକ ଅନ୍ତର୍ଗତ ମହମ୍ମଦନଗରପାଟଣାରେ ଗତକାଲି ଏକ ନବନିର୍ମିତ ଶନିମନ୍ଦିର ପ୍ରତିଷ୍ଠା ଓ ପୂଜାର୍ଚ୍ଚନା ଅନୁଷ୍ଠିତ ହୋଇଯାଇଛି । ମନ୍ଦିର ପ୍ରତିଷ୍ଠା ପୂର୍ବରୁ ଶହ ଶହ ମହିଳା ସୁବର୍ଣ୍ଣରେଖା ନଦୀରୁ ପବିତ୍ର ପାଣିଧରି ଏବଂ ଦୀର୍ଘପଥ କଳସ ଶୋଭାଯାତ୍ରାରେ ଅତିକ୍ରମ କରି ମନ୍ଦିର ନିକଟରେ ପହଞ୍ଚିଥିଲେ । ଗ୍ରାମର ଜନସାଧାରଣ ସମାଜସେବୀ ରାଧାଶ୍ୟାମ ସାହୁଙ୍କ ନେତୃତ୍ୱରେ ଏପରି ଏକ ଭାବାବେଗମୟ ପରିବେଶ ସୃଷ୍ଟି କରାଯାଇଥିଲା । ଦିନଯାକ ପୂଜାର୍ଚ୍ଚନା, ହୋମ, ଆହୁତି ହୋଇଥିବା ବେଳେ ଗ୍ରାମବାସୀ ଓ ଶ୍ରଦ୍ଧାଳୁମାନେ ଉପସ୍ଥିତ ରହି ପ୍ରସାଦ ସେବନ କରିଥିଲେ । ଏହି ଅଂଚଳରେ ପ୍ରଥମଥର ପାଇଁ ଶନି ମନ୍ଦିର ପ୍ରତିଷ୍ଠା ହୋଇଥିବାରୁ ଶ୍ରଦ୍ଧାଳୁମାନଙ୍କ ମଧ୍ୟରେ ଆନନ୍ଦର ଲହରି ଖେଳି ଯାଇଛି ।
ରିପୋର୍ଟ : ଆକାଶ ମିଶ୍ର
