ପଶ୍ଚିମବାର୍ଡ (ସମୃଦ୍ଧ ଓଡିଶା) ଜଳେଶ୍ୱର ନିର୍ବାଚନ ମଣ୍ଡଳୀ ଅନ୍ତର୍ଗତ ମାକିଡିଆ ପଂଚାୟତର ସରପଂଚ ବଳରାମ ବର୍ଷାଳ ନିଜ ସମର୍ଥକମାନଙ୍କ ସହିତ ବିଜେପିରେ ଯୋଗ । ଦାନ କରିଛନ୍ତି ବୋଲି ସମ୍ବାଦିକମାନଙ୍କୁ ସୂଚନା ଦେଇଛନ୍ତି । ସାଂସଦ ପ୍ରାର୍ଥୀ ତଥା ଜାତୀୟ କାର୍ଯ୍ୟକାରିଣୀ ସଦସ୍ୟ ପ୍ରତାପ ଚନ୍ଦ୍ର ଷଡଙ୍ଗୀଙ୍କ ଉପସ୍ଥିତିରେ ଶ୍ରୀ ବର୍ଷାଳ ତାଙ୍କ ସମର୍ଥକ ସରୋଜ ଘଡେଇ, ସିପୁନ ଘଡେଇ, ସୁଜିତ୍ ଘୋଷ, ଜନାର୍ଦ୍ଦନ ଘୋଷ, ପୂର୍ଣ୍ଣଚନ୍ଦ୍ର ପ୍ରଧାନ ଏବଂ ଗୋପି ମୋହନପୁରର ସମୀର ପାତ୍ର, ହରିଚନ୍ଦନ ଦେ, ଉଦୟ ନାଥ କର, ଜଗନ୍ନାଥ ଦତ୍ତ, ସୁଧାକୃଷ୍ଣ ଭୂୟାଁ ପଶ୍ଚିମବର୍ଡର ସୁଧିପ କୁମାର ପ୍ରଧାନ, ସତ୍ୟବ୍ରତ ବେହେରା, ବର୍ତ୍ତନା ପଂଚାୟତର କେତେକ ସମର୍ଥକ ବିଜେପିରେ ଜଳେଶ୍ୱର ନିର୍ବାଚନ ମଣ୍ନଡଳୀ ଅନ୍ତର୍ଗତ ସେଖସରାଇଠାରେ ଏକ ନିର୍ବାଚନୀ ବୈଠକରେ ଯୋଗ ଦେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ କାର୍ଯ୍ୟଦକ୍ଷତା ଓ ବିଜେପିର ଆଦର୍ଶରେ ଅନୁପ୍ରାଣିତ ହୋଇ ସେମାନେ ବିଜେପିରେ ଯୋଗଦାନ କରିଥିବା ସେମାନେ କହିଛନ୍ତି । ପ୍ରକାଶଯୋଗ୍ୟ ମାକିଡିଆ ସରପଂଚ ବଳରାମ ବର୍ଷାଳ ଗତ ପଂଚାୟତ ନିର୍ବାଚନରେ ବିଜେଡି ସମର୍ଥନରେ ନିର୍ବାଚିତ ହୋଇଥିଲେ । ସରପଂଚ ଓ ସମର୍ଥକ ମାନେ ବିଜେପିରେ ଯୋଗ ଦେଇଛନ୍ତି ବୋଲି ମହମ୍ମଦନଗରପାଟଣା ବିଜେପି ନେତା ହରିପଦ ମାନ୍ନା ଏକ ପ୍ରେସ ବିବୃତିରେ ପ୍ରକାଶ କରିଛନ୍ତି । ଉକ୍ତ ବୈଠକରେ ମହମ୍ମଦନଗରପାଟଣା ସରପଂଚଙ୍କ ପ୍ରତିନିଧି ବିନୋଦ ବିହାରୀ ମହାନ୍ତି ଶେଷରେ ଧନ୍ୟବାଦ ଅର୍ପଣ କରିଥିଲେ ।
ରିପୋର୍ଟ : ଭୂପତି କୁମାର ପରିଡା