ଜଳେଶ୍ୱର (ସମୃଦ୍ଧ ଓଡିଶା) ମାନସିକ ଅନଗ୍ରସର ଲୋକମାନଙ୍କୁ ସରକାର ବିଭିନ୍ନ ଯୋଜନାରେ ସହାୟତା କରିବାକୁ ପ୍ରଚେଷ୍ଟା କରୁଥିବା ବେଳେ କେତେକ ନ୍ୟସ୍ତସ୍ୱାର୍ଥ ଗୋଷ୍ଠୀର ବ୍ୟକ୍ତି ସେମାନଙ୍କୁ ହଇରାଣ, ହରକତ ଏପରିକି ଅଂଗ ବିକ୍ରି କରାଇବାର ଉଦ୍ୟମ କରାଇଆସୁଛନ୍ତି । ଏପରିଏକ ଘଟଣା ଘଟିଛି ତାଳସାରି ମେରାଇନ୍ ଥାନା ଅଧିନ ବାଡସରିଷା ଗ୍ରାମରେ । ଘଟଣାରୁ ପ୍ରକାଶ ସେହି ଗ୍ରାମର ଅଶୋକ ଦାସଙ୍କ ପୁତ୍ର ସରୋଜ କୁମାର ଦାସ (୩୫) ଜଣେ ମାନିସିକ ଅନଗ୍ରସର ବ୍ୟକ୍ତି ଅଟନ୍ତି । ଗତ ୧-୧୦-୧୯ ଅପରାହ୍ନ ୧୨ଘଟିକା ସମୟରେ ସରୋଜ ରାସ୍ତାେରେ ଆସୁଥିବା ସମୟରେ ବାଡସରିଷା ଗ୍ରାମର ରାସ୍ତାକଡରେ ଅବସ୍ଥିତ ହରଗୌରୀ ୱାସିଂ ସେଣ୍ଟର ସମ୍ମୁଖରେ ହଠାତ୍ ସଂଖାରୀ ଗ୍ରାମର ସୁଶାନ୍ତ ଜେନା (୩୫), ବାଡ ସରିଷା ଗ୍ରାମର ଜିତୁ ଜେନା (୩୨) ଓ ଜଗନ୍ନାଥ ଦଳପତି (୩୫) ତାଙ୍କୁ ବିଭିନ୍ନ ଥଟ୍ଟାମଜା କରିବା ସଂଗେ ସଂଗେ ଅମାନୁସୀକ ଭାବେ ଶରୀରର ବିଭିନ୍ନ ସ୍ଥାନକୁ ମାଡମାରୀ ଲହୁଲୁହାଣ କରିଦେଇଥିଲେ । ଫଳରେ ତାଙ୍କର ମୁଣ୍ଡ, ଦୁଇଆଖି ଓ ଦୁଇ ଗାଲରେ ଗଭୀର କ୍ଷତ ହେବା ଯୋଗୁଁ ଯନ୍ତ୍ରଣାରେ ଚିତ୍କାର କରିବାରୁ ରାସ୍ତାରେ ଯାଉଥିବା ବ୍ୟକ୍ତିମାନେ ସରୋଜକୁ ଉଦ୍ଧାର କରିଥିଲେ । ଏପରିକି ସରୋଜର ମାଉସୀ ଗୀତାରାଣୀ ଦାସ ସଂପୃକ୍ତ ଅଭିଯୁକ୍ତମାନଙ୍କୁ ଏ ସଂପର୍କରେ ପଚାରିବାରୁ ସେମାନେ ତାଙ୍କୁ ମଧ୍ୟ ଜୀବନରୁ ମାରିବାକୁ ଧମକ ଦେବା ସଂଗେ ସଂଗେ ଅଶ୍ଳିଳ ଭାଷାରେ ଗାଳିଗୁଲଜ କରିଥିଲେ । ସରୋଜର କିଡ୍ନୀକୁ କାଡି ନେବା ପାଇଁ ଅଭିଯୁକ୍ତମାନେ ପ୍ରଚେଷ୍ଟା କରିଥିବାର କେତେକ ପ୍ରମାଣ ସହିତ ଅଶୋକ ଦାସ ଥାନାରେ ଅଭିଯୋଗ କରିବାରୁ ତାଳସାରୀ ମେରାଇନ୍ ଥାନାରେ ମାମଲା ୩୬/୧୯ ମୂଳେ ଭାରତୀୟ ପିଙ୍ଗଳକୋର୍ଡର ୩୪୧, ୩୨୩, ୨୯୪, ୫୦୬ ଓ ୩୪ ଧାରା ଅନୁଯାୟୀ ରୁଜୁ କରାଯାଇଛି । ଘଟଣା ସଂପକରେ ଜଳେଶ୍ୱର ଏସ୍ଡିପିଓ ସୁଦର୍ଶନ ଦାଶଙ୍କୁ ପଚାରିବାରୁ ସେ ଏହି ଘଟଣା ସଂପର୍କରେ ଅବଗତ ଅଛନ୍ତି । ଖୁବଶୀଘ୍ର ଅଭିଯୁକ୍ତ ମାନଙ୍କୁ ଗିରଫ କରାଯିବ ବୋଲି ପ୍ରକାଶ କରିଛନ୍ତି ।
ରିପୋର୍ଟ : ଭୂପତି କୁମାର ପରିଡା
