ଢେଙ୍କାନାଳ (ସମୃଦ୍ଧ ଓଡିଶା) ଢେଙ୍କାନାଳ ଜିଲ୍ଲାର ମୋଶେଙ୍ଗା ବିଜେପି ମଣ୍ଡଳ ପକ୍ଷରୁ ଅଟଳ ବିହାରୀ ବାଜପେୟୀଙ୍କ ପ୍ରଥମ ଶ୍ରାଦ୍ଧ ବାର୍ଷିକ ତଥା ପୂର୍ବତନ ବୈଦେଶିକ ବ୍ୟାପାର ମନ୍ତ୍ରୀ ଶ୍ରୀମତୀ ସ୍ୱରାଜଙ୍କ ଏକାଦଶହ ପାଳିତ ହୋଇଯାଇଛି । ଏହି ଅବସରରେ ଏକ ସଭା ଅନୁଷ୍ଠିତ ହୋଇଥିଲା । ଏହି ସଭାରେ ମୁଖ୍ୟ ଅତିଥି ଭାବରେ ପ୍ରାକ୍ତନ ସାଂସଦ ରୁଦ୍ର ନାରାୟଣ ପାଣି ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବରେ ପୂର୍ବତନମନ୍ତ୍ରୀ ସ୍ବର୍ଗତ ତ୍ରିନାଥ ନାୟକଙ୍କ ପୁତ୍ର ଅଶୋକ ନାୟକ ଯୋଗ ଦେଇଥିଲେ । ଏହି ସଭାରେ ଶ୍ରୀ ପାଣିଜୀ ଗଭୀର ଶୋକ ପ୍ରକାଶ କରିବା ସହିତ ଏହି ମହାନ ପୁରୁଷଙ୍କ ଫଟୋରେ ପୁଷ୍ପମାଲ୍ୟ ଅର୍ପଣ କରିଥିଲେ । ଏହାସହ ଶ୍ରୀ ପାଣିଜୀ ସୁଷମା ସ୍ୱରାଜଙ୍କ ସହିତ କଟାଇଥିବା ନିଜର ଅନୁଭୂତିକୁ ବଖାଣିଥିଲେ । ଏହି ସଭାର ସଭାପତିତ୍ୱ କରିଥିଲେ ମଣ୍ଡଳ ସଭାପତି ଜ୍ୟୋତି ପ୍ରସାଦ ରାଉତ । ଏହି ସଭାରେ ରାଜା କିଶୋର ସାହୁ, ଦିଲୀପ ରାଉତ, ସଞ୍ଜୟ ବେହେରା, ଅରବିନ୍ଦ ସାହୁ, ଅଜୟ ମହାପାତ୍ର, ଭକ୍ତ ଭୋଇ, ବିଶ୍ୱନାଥ ସିଙ୍ଗ, ଵାଲ ଜେନା, ହେମନ୍ତ ନାୟକ, ନଟବର ନାୟକ ଓ ବିଜେପିର ବହୁ କାର୍ଯ୍ୟକର୍ତ୍ତାଙ୍କ ସମେତ ୫୦୦ ରୁ ଉର୍ଦ୍ଧ୍ୱ କର୍ମୀ ଯୋଗ ଦେଇଥିଲେ ।
ରିପୋର୍ଟ : ଶୁଭମ କୁମାର ପାଣି
